Relsiat nak cu leitlunhuap pulh nat, Covid-19 hnak ih tih a nung sawn mi pulhnat sia a si thu Pope Francis in sim. September 06, 2020

Relsiat nak cu leitlunhuap pulh nat, Covid-19 hnak ih tih a nung sawn mi pulhnat sia a si thu Pope Francis in sim. September 06, 2020

         Bawi Jesuh in sual tuahtu mi hrekkhat unau hnenih ralrinnak pe dingih a sawm thu, suakkhat unau vek ih nun sim nak in pawlpi lung a rual ter nain khat lam ah cun relsiatnak in pawlpi sungah thinlung then thek nak pawl a can ter thu Zarhpi ni, Angelus thlacamnak hmun ih zumtu pawl hnenah ralrinnak in thu a rak pek.

         Cui ni ah Pope Francis in Mt 18:15-20 ih hmuh mi Bawi Jesuh in suakkhat unau vek ih nun a sim thu an rak ruat tlang. Pope Francis in Christian in pawlkom humhimnak le bulpak ti tikah mi tinkim ih theih thiam nak cu upat in mansal nak pawl tuah lo theih lo nak pawl ruat sal dingah a rak sawm.

         Bawi Jesuh in sual nei tu pawl nunsim dingah a sinh pathum a rak pek. Hmaisabik a dang ten ralrin pek nak cu hmaisabik ah cu pawl cu a dang ten ko in ralrinnak pek ding. Cu pawl sual puh lo in an tuah mi thei dingih bawm dingah in sawm.

         Pope Francis in a pakhat nak ti dan cu a ol lo. Cu pa cu nasa zet in el ding tih a nung ih hlei ah a dang phuahhlam thawn cu pa thawn zum nak a um thei lo thu a rak sim.

         A pahnih nak ah bawm nak dil uh. Cui hnu ah sual tuah tu cu a sirawk cuang lo le midang pawl ih bawm nak la in nunsim dingah Bawi Jesuh in a rak cah. A pahnih cu sual puh ding si lo in bawm nak pe ding a si thu Pope Francis in a rak simfiang.

         A pathum nak ah cu pa in a sual nak bansan lo in a tuah sal thotho a si le cui thu cu Pawlpi upa pawl hnen sim ding. Unau pawl par ih a thleng ding mi pawl a um lai. Cu vek ih lamzin peng a zawh tu pawl lamzin hman ih hruai nak ah a tum zet mi duhdawtnak a tul thu a rak sim.

         Relsiat nak in pawlkom a siat suah ter. Pawlkom sungih mi pakhat cu suakkhat unau vek ih nunsim ai in an that lo nak lawnglawmg rel a si le ziang vek thil a cang ding khal ruah a tul. Mi pakhat in sual a tuah a si lo le sambau nak a neih nan hmuh le a hnenah feh in sim uh.

         Kan nih cun cu vek in kan tuah lo tiah kan sim. Satan cu thinlung ruah nak dang dingah a hawl tu a si ih relsiat nak ah thakhoh zet tu a si ruangah mi that lo nak rel nak in mi pakhat cu pawlkom thawn kom aw dingah a thinlung sangkaa khar sak lawng si lo in pawlpi ih lungrual nak khal a siat suah ih a hnaihnok. Unau pawl ih that lo nak rel pang lo dingah zuam uh si.

         “Suakkhat unau vek ih nun simnak cu that hnem nak nei zet ih hman nak”  ti mi ih a cem net nak ah Pope Francis in Bawinu hnenah kan mah cu suakkhat unau vek ih nun sim nak cu tha ten hmang tlang thei in cu hnak in khat le khat ngai dam nak parah bun aw in kan pawlkom pawl cu suakkhat unau vek ih kawm awk nak cu programme a thar in a si ringring dingah thlacam phah in a thusim a rak cawl.

Hi thuthang cu 2020 September 7 ah Vatican thuthang ih kan don mi a si.

https://bit.ly/3iuckW8