Remdai ten an um tlang thei thu teette hmuh dingah Iraq le ni suahnak a lai fannak ramih um tu pawl hnen Pope Francis in a forhfial March 5, 2021

Remdai ten an um tlang thei thu teette hmuh dingah Iraq le ni suahnak a lai fannak ramih um tu pawl hnen Pope Francis in a forhfial

March 5, 2021

         Iraq ih a tuukhaal khualtlawngtu Pope Francis cu Iraq ram in lungawi sopar ten an rak hmuah vekin Iraq President inn hmai ah Iraq President, Barham Salih khal in a rak hmuak.Vatican ramhla le Iraq ramhla an sak theh hnu ah Pope Francis in mikhual pawl cibai a rak buuk. Cui hnu ah Iraq President in Pope Francis cu a nupi thawn cibai a rak buuknak a nei ter hai ih President inn sungah an rak hruai. Khelruh natnak ruangah Pope Francis cu nuam te lawngin a rak feh thei. Abraham khihhmuh mi laksawng cu President a pek theh hnu ah President in Pope Francis ih remdaihnak a khualtlawnnak hrangah a lungawi thu a rak sim.

         Pope Francis in thu a sim tikah a thupibik Pathum telh in zaangfah a rak dil.Hmaisabik nakah Iraq ram hrangah leitlunhuap in bawm dingah le covid tikcucaan ah mah pakhat ih tuanvo tuan in bawm cio dingah, humhimnak sii cu thleidang lo in ngah dingah a si. Pahnih nak cu mi mal pawl hrangah a si. Christian mipum mal pawl lawng si lo in thah a tuar tu Yazidis miphun pawl humhim dingah khal zaangfah a rak dil bet. A pathumnak ah nisuahnak a lailak hmun ah Iraq cu remdaihnak ih zohthimtlak si dingih zuam cio dingah le bang aw lo hman sehla hmunkhat ih an um tlang thei thu teette hmuh dingah a rak forhfial.

         Hi thuthang cu Rome Reports thuthang ih kan ngah mi a si.

Photo courtesy of: The Catholic Sun

https://bit.ly/30j4x6m