Remdaih nak hrang thlacamnak programah Pope a tel October 20, 2020

remdaihnak_hrang_thlacamnak_programah_pope_a_tel.jpeg (165.96 KB)

Remdaih nak hrang thlacamnak programah Pope a tel.

October 20, 2020

              Rome khuapi ih St.EGDO pawlkom ih timtuah mi remdaih nak hrang thlacamnakah Pope cu thuthang an suah vekin a mah rori feh in thla a cam. Cui thlacamnak cu Catholic pawlkom ih an timtuahmi a sinan remdaih nak cu mi tinkim thawn a pehpar aw. Ahleicein Khristian pawl sinak in remdaih nak hrang thlacam nak, remdaih nak ngah dingah tuah ding asiih himi thlacam nakah Catholic asilo mi a dang Khristian ulenau paw, Khristian asilomi kawhhran upa pawl khal an tel. Thlacam nakih ruah ding mi thuhla cu "zohman pakhat lawng run dam a si lo. Remdaihnak le ulenau" ti a si. Himi program cu 1986  October 27 ni Assisi khuapi ih St. John Paul II ih hoha ih tuah mi Assisi khuapi ih rothil tha pakhat a si. Cui program ah St. John Paul II cu leitlun biak nak lam hotu pawl hnen leitlun remdaih nak hrangah thlacam nak ah tel dingah a sawm. Raldo nak a cem hrih lo. Ram sung ral buai nak tha a cak tuk lai. Ahleicein Mozambique, Sri Lanka, Guatema le le Eritrea pawlah zalen nak ngah dingah ral an do.

              Libya ah khal dodal tu pawl ih donak cu America ralkap in Bung an puak ih lehrul in an do aw. Zimbebwe ahcun ramsung ralkap in Ndebele miphun cu hmunkhat a burbur in an that. Leitlun ih thiltha lo pawl ruangah leitlun ih Pathian falepawl cu harsat nak tampi an tuar rero. Cumi a hmu tu St. John Paul II in "remdaih nak cu a thiangfai. Biak nak tinkimih a hleice zirh mi sungah khal remdaih nak hawl nak cu theih fiang asi. Curuangah remdaih nak cu mitinkim in an tul ih, mitinkim thawn khal a pehpar aw. Mitinkim khal in an nei. Remdaih nak ngah ding ah mitinkim khal nasazet ih zuam dingah theih a si. Pope Francis cu remdaihnak hrangah forhfial ringring tu a si. Leiltun minung pawl ralbuainak tuar nak, ramsung buainak ruangah mai umnak ram tan in tlan nak, tikcu satuk nak, farah zonzaih tam nak, rual rem nak um loin thekdarh awk nak, pulh nat thawn tonawk caan ah leitlun biak nak lam hotu thawn hmunkhat ten um in thlacam nak a si. Hi mi din hmun pawl zaten in kan zaten tuahmawh ol mi kan si. Mah ten um men a ngah lo. Khat le khat bawm aw dingah a tul timi cu a lang ter.

Thlacam nak tuah nak hmun

              Himi thlacam nak puai cu Rome khuapi ih Saint Mary in Aracoeli Bacilica ah tuah a si. Thlacam nak cu then hnih in tuah a si. A pakhat nak ah biak nak lam hotu a phunphun cu an mai a rem cannak hmun ah remdaih nak hrang thla an cam. Cutiih thlacam nak ah Pope cu a dang Khristian hotu pawl thawn tah thim in Saint Mary in Aracoeli ah thla a cam. Judah, Muslim, Buddist pawlih biak nak lam hotu pawl cu a dang hmun pawl ah remdaih nak hrangah hmunkhat ten ret a si ih, thlacamnak ah a tel. A pahnih nak ahcun biak nak lam hotu pawl cu Capitoline tlang par ih St. Michael tual rawn ah an feh ih leitlun biak nak pawl zaten thlacam nak program ah an tel a si. Himi cu remdaih nak hrangah thlacam nak 2020 kum ih program a cem nak khal a si ih, leitlun remdaih nak hrang khalah thlacam phah in, remdaih nak Pawangtai (Meifar) pawl an vang a si.

Minute 1 hrawng daiten thlacam

              Remdaih nak hrangah thlacamnak ih netabik program tiin ziangvek ral ruangah siseh nun nak a cem tu pawl le covid nat suannak ruangah nunnak a cem tu pawl hrang hlan in "minute 1 hrawng" remdai ten thla an cam sak. Cuihnuah nauhak pawl in ram tinkim ih upa pawl le rem khel upa pawl hnen "zo khal pakhat lawng rundam a si lo" timi ruah ding mi thuhla kha dil in an cem ter. Himi thuthang cu Vatican thuthang ihsin kan ngah mi a si.

https://bit.ly/2Td2DAB

 

             

Add new comment

8 + 6 =