Remdaihnak hrang sawm phah in, Pope in ralbuainak rehnak ding hrang thlacam dingah zumtu pawl forhfial ( November 16, 2023)

pope_francis.

Remdaihnak hrang sawm phah in, Pope in ralbuainak rehnak ding hrang thlacam dingah zumtu pawl forhfial ( November 16, 2023)

          Zarhtin mipi pawl thawn tonawk theh hnu ah, Pope Francis in rapthlak zet mi rualbuainak a tuar rero tu ram tampi hnenah a ruahnak direct in a rak sim. Pope in leilungpi remdaihnak hrang le donak a tuar rero mi ram pawl a hleice in Holy Land, Sudan le Ukraine ram pawl hrang thlacamsak dingah zumtu pawl a sawm rero.

          “Remdaihnak hrangah thlacam tlang uh si: Nitin ten, remdaihnak hrang thlacam dingah tikcu caan lak uhsi. Remdaihnak kan tul tuk,” tiah Pope in a rak sim.

          Pope in tampi a tuar rero zo tu, Ukraine Martyr pawl hrangih thlacamsak dingah a sawmnak thu a rak sim bet. 2022 ah Russia in ram a nor hnu ihsin, mipi 9,600 hnakih tam thah an tuar ih Eastern European Nation ah mipi 18,000 I hriamhma an tuar. Mi zaleng lo thah tuarnak le mi thawng za lenglo hriamhma tuar tu Palestine ih Holy Land le Israel pawl ih thubuai pawl hrang khal ih thlacamsak dingah a rak sawm.

          Pope Francis in April thla ih rak cang mi a dokalh aw mi ralkap burhnih lak ah tihnung zet mi thil pawl a rak cang ih cu mi ah minung 9000 hrawng an thi ih mipum taan 5.6 cu a himnak hmun, Sudan ram ih an rakt hawnnak thu khal a rak ngaihsak.

          Cu vekin, Israel le Hamas lak ih thubuai a san zet vekin, Biaknak pawl ih World Council of Churches in ram tinkim thawn pehpar mi pawlkom hnenah a mah ten dingfelnak le Holy Land ah a tunghmun mi remdaihnak, milai khat le khat zawnruahnak lam doawknak rehnak hrang dilnak ih ap aw dingah a forh rero.

          October 08 ih rak thok mi Israel pawl in Gaza Strip pawl an lehrulnak ah, mipum 9000 in hriamhma an tuar ih nauhak 4,600 luan an thi tiah theih a si.

          Hi thuthang cu Sholom World Wxperiance thuthang ih kan ngah mi a si.

Add new comment

5 + 12 =