Rikhiah um lo mi duhdawtnak thawn Covid do dingah Pope Francis in a forhfial. September 9, 2020

Rikhiah um lo mi duhdawtnak thawn Covid do dingah Pope Francis in a forhfial. September 9, 2020

         Midang that nak hrangah hawl tlang uh si.

Pope Francis in kan dung tlawngkai nithum ni leitlun khuazakip ih khawm a zawh tu pawl thawn St. Peter tualrawn ah an tongaw ih thla an cam lai ah “midang hrang thatnak” thupit dingah a rak sawm.

         Ziangah tile Pope Francis ih thu zirh mi cu “leilungpi dam ter aw” ti mi a si. Coronavirus ruangah midang pawl thatnak ding hrang kan tuan le a hlan ai in kan kom aw thei ding a si. Asinain, mi hrekkhat cun kom aw dingih zuam ding hnakin lak ding an thok rero cu hmuh a theih.

         Coronavirus ruangih a cang mi pawlkom sumdawnnak dinhmun pah suak tikah Christian pawl in duhdawtnakah hrambun in rulh kir sal ding a si. Cui duhdawtnak cu Pathian in kan mah in duhdawtnak hrampi a si.

 Kan nih cun kan innsang pawl, mai theih mi rualpi pawl lawng si lo in mikip duhdawt dingah kawh mi kan si. In hua tu pawl tanta men a ngah lo, a harsa zet mi dil nak a si. Asinain hi mi cu ziaza thatnak a si-ih zir theih mi khal a si.

Duhdawtnak parah a bun aw mi nunphung pakhat din uh si

         Duhdawtnak cu kan mah bulpak thawn pehpar mi nelawknak lawng in tuah sak lo. Nunphung, pawlkom le sumdawnnak khal thanso nak a si thu, duhdawtnak thawn a hmun mi pawlkom khal din dingah dinhmun a sersiam thu Pope Blessed Paul a paruk nak le Pope St. John Paul a pahnih nak pawl ih an rak sim mi thawn pehpar in a rak sim bet.

         Tu ih harsat nak cu mah pakhat that nak hrang lawng tuah nak hnakin mi tampi thatnak hrangih tuah dingah, mi tampi that nak tuah nak in mai hrangah that nak a suah ter. Coronavirus kham theih lo, ramrii nei lo, nunphung le ram ih tidaanih danglam nak khal a thei lo.

         A zaten duhdawtnak thawn pahsuak a tul. Khatlam ah tui harsat nak cu hamtam zetin tawlrel le Coronavirus ruangih a cang mi nunphung harsatnak pawl a pah thei lo. Curuangah kan zaten a thupibik in Christian pawl in mihrang thatnak tuah dingah tuanvo kan nei.

         Ramkhel cu minung nunphung ziazaah a hram a toh ih duhdawtnak thawn thangso ding a si. Pope Francis in veitam pi cu ram thuah hmin a tha lo ter. Hi vek ih sim nak cu a hram, a hngee um lo ah a cang thei. Asinain, milai le mi tampi that nak cu a laifannak ah re in tuah a si le a thianghlim mi ram din a theih. Hi vek ih tuah dingah kan zaten in sawm.

         A thupibik in nunphung le ramkhel hrangih ap aw ih a tuan tu pawl dinhmun in hi vekih tuah a si le cu pawl in nunphung le thlun a tul mi ram daan pawl a hngetkhoh vivo ding a si. Christian pawl a thupibik in Christian menmen pawl dinhmun in hi thlun ding daan hmuh a tul. Ram thu a si ko nain nunphung hmuh dan a hmuh tu duhdawtnak khal lungawi thu sim a tul.

Nunphung ih bun aw mi duhdawtnak thlengsal dingah sawm

         A tu caan cu nunphungih a bun aw mi duhdawtnak thleng dingah a tha bik mi caan a si. Ziangah tile mi tinkim  in an tul ih mi tinkim bawm a theih. Mi tinkim in mai ti thei tawk in bawm cio uh si.

         Zohman hnon a ngah lo. Kan nuntudaan pawl thawn mi nauta bik mi pakhat ciar ah kan mah vekin Pathian ih hmuihmel an ken kha hmuh a theih. Ziangah tile Pathian pakhat lawng a si lo. Thumkom pakhat a si. Duhdawtnak a kom aw. Curuangah duhdawtnak thlacamnak a si. Pathian ih bawmnakah kan mah pawl in mi tampi ih that nak hrangah kan tuan tlang a si le leilungpi kan dam ter thei ding a si. Hi thuthang cu September 9, 2020 ah Vatican thuthang ih kan ngah mi a si.

https://bit.ly/33u2EEO