Rilrawnnak cu kan zate thawn a peh par mi leitlunhuap ei in pawlkom hnen Pope Francis ih thucah. October 16, 2020

rilrawnnak_cu_kan_zate_thawn_a_peh_par_mi_leitlunhuap_ei_in_pawlkom_hnen_pope_francis_ih_thucah._october_16_2020.png

 

Rilrawnnak cu kan zate thawn a peh par mi leitlunhuap ei in pawlkom hnen Pope Francis ih thucah. October 16, 2020

         Pope Francis in leitlunhuap ei in pawlkom hnenah “milai hrangah ei in ding um lo nak cu riahsiat za a si lo. Ningzah tlak a si,” tiah a rak sim.

 Hi vekih a sim nak cu tui kum leitlunhuap ei in Ni ih ruah ding thuluu cu ‘thil ciin nak, cawm nak le kilkhawi tlang nak, kan thil tuah mi cu kan hmailam hrang a si,” ti hi a si.

Kan zaten tuanvo kan nei

         Pope Francis in video ih a rak sim mi ah “ei in ding neih lo nak cu a kau zet ih a thupi mi a si thu, hi vek ih a cannak cu leilungpi ih suak mi hanghnah hangrah pawl bangran ih hlawmawk ding neih lo ruangih a cang mi a si.

Cui hlei ah thil ciin nak hnatuan pawl ah a miat ngah mi mal nak, nikhua sat nakih a cang mi le leilungpi ih hmun pawl ah ral thawh nak, kum reipi ei in dekcawk nak ti vek pawl ruangih a cang mi a si.

         Hi thil a cang taktak mi hmaiton ih zianghman tuar lo ih ziang hman poi sa lo vek le cang vai lo ih um men a ngah lo thu, hi dinhmun cu a tha bikih thleng sak dingah kan zaten tuanvo kan neih thu, tui kum leitlunhuap ei in pawlkom ih tumtah mi cu “Mitin ih nunram ruahsannak khaisannak tuah dingah,” tuah thlang ding a tul thu a rak sim.

Leitlunhuap ei in pawlkom kum 75 kum ni

         Tukum cu leitlunhuap ei in pawlkom rak din nak kum 75 kim kum a si. Hi rak pah suak mi kum pawl ih pawlkom dinhmun in leilungpi hrangah ei in suah sak nak lawng in a daih lo thu cu an thei ding tiih a ruah san thu, suah mi ei in cawl lo dingih kilkhawinak a thupit thu, harhdamnak thawn a kaih mi ei in pawl si ding khal ah a tul.

         Mitin khal in mai ti thei tawkin tel a tul thu, ei in suah nak le ei in daan thleng ih kan pawlkom le leilungpi ih a harhdam zia zoh a tul thu, cu lawnah ei in dekcawknak le kum reipi bawm theinak a tuah sak thei ding a si.

Pulh nat sia tikcu caan ih bawmnak pek nak

         Tu vek ih pulh nat ruangih harsat caanah bawmnak peknak cu a thupit thu, kum reipi din thei nak, a kau mi thil ciin nak pawl khal khaisan a tul thu, lo thlo pawlkom fate pawl khal in bawm dingah, a farah mi ram pawl ah a thangso hrih lo mi hmunih um mi pawl thanso nak ding hrang tuah sak tlang dingah, kan nih cu ziang tinkim a linglet zawng ih a khat mi san ah kan khuasa.

         Khatlamah kan theih cia lo mi sience ah a thangso rero. Leilungpi in minung thawn plehpar mi remawk lo nak pawl a tong rero. UN ei in pawlkom ih cazin pawl vek a si le rei lo te kumzabi pawl ah ei ding um lo nak do dingah a tha bikin an rak zuam nain a rak lang sar tuk lo.

         Mal deuh dingin an rak tuah thei lo. Ei in thawn pehpar ih aamahkhan mi pawl um lo mi dinhmun a thang deuhdeuh. Tui covid pulh nat sia in ei in harsat nak a besia ter.

Tuah ngaingai nak

         Tui remawklo nak cu tuah ngaingai nak hmuhnak tuah thei dingah daan pawl tuah a tul. Ei in harsatnak cu leilungpi in dawi hlo thei dingih zuam ding a tul thu a hmuh.

         Ruanak lawngih thleng awknak in kan tumtah mi ih thlen nak cu a nuam ter. Hi vek ih cannak cu kan unau pawl ei ding um lo ih thi ter dingih on vek ah a cang.

         Ral thatnak thawn thu bohcatnak pakhat cu “leitlunhuap sumpai” in din dingah a si. Cui din ding mi sumpai khal cu hriamhrei lei ding le ral buai nak man pawl thang dingih hman nak ai in ei in khopkham ten lei ih bawmnak thawn a farah mi ram pawl thangso dingih tuah saknak a si.

Hi vekin ralbuai pawl a kham thei ding a si. Rilrawnnak cu kan zate thawn a pehpar mi “leitlunhuap mai umnak suahsan tu kan unau pawlkhal dawn a theih ding a si.

Fatelli tutti, n.189 le 262 capi sungta sim mi cu

         A thusim a cem net nak ah Pope Francis in leitlunhuap ei in pawlkom din hmun in, pawlkom ih tuan mi pawl a cek ci ah thlengin rah tampi a rah thei ding tiah a ruahsan.

Hi dinhmunih hram toh mi leilungih ciin nak, rilrawnnak pawl, cawmnak, leilung sungih suak mi pawl khal humhim nak thawn kan zaten upat zet in khat le khat upat nak le duhdawtnak ah thleng aw in thangso ter ding tiah a sim ih a thusim cu a rak cawl a si.

Hi mi thuthang cu 16 October 2020 ah Vatican thuthang ih kan ngah mi a si.

Photo courtesy of: The Arlington Catholic Herald 

https://bit.ly/3kdyEo9

Add new comment

15 + 0 =