September thla hrang Pope ih thlacam tumtah mi cu “kiangkap ih hnon a tuar tu pawl hrangah a si”(September 29, 2023)

September thla hrang Pope ih thlacam tumtah mi cu “kiangkap ih hnon a tuar tu pawl hrangah a si”(September 29, 2023)

          Pope Francis in September hrang thlacam tumtahnak a rak suah ih nunphung pawlkom ih hnon a tuar tu pawl thlacamnak thawn bawm dingah mitin a rak sawm.

          “Milai pawlkom ih ziangsiar lo nak um lo in dawi tuar lo dingin milai pawlkom ih hnon a tuar tu pawl hrangah thlacam sak cio uhsi.”

          Pope Francis in September, 2023 hrang thlacam tumtahnak cu “kiangkap ih hnon a tuar tu pawl hrangah” tiin tlawngkai nihnih ah sawmnak ca a rak suah.

          Pope’s Worldwide Prayer Network ih suah mi September hrang Pope ih video sungah, hnon a tuar tu pawl a rak ruat.

          “Lamzin parih thi tu inn le lo nei lo pakhat cu search engines lole newscasts pawl ih thuanthu partabik lam ah ziang tik hman ah a thleng dah lo ding” tiah rel phah in kan nunphung pawlkom pawl cu hi vekih ziang siar lo dinhmun ih a thlen thei thu a rak sim.

          Pope Francis in hi ziang siar lonak cu “minung taan zalenglo pawl in sumdawnnak pawl thawn tahthim le zianghman man nei lo mi hnon mi nunphung a si” tiah a rak ruat.

          “Kan hngawng pawl cu a dang ih zohnak in a hnget ding ruangah hi dinhmun khal hmuh a theih lo” tiah a rak sim.

          Cui hnu ah “farahnak, aatcilhnak, lungnat lole kutke kim lonak” pawl a can tiang  hnon a tuar tu pawl sunsak dingah mitin hnenah Pope in a rak forhfial.

          “An mah cohlang dingah, a tulsam mi pawl zaten cohlang dingah sunsak cio uhsi” tiah a rak sim.

          Cu vekih bangawk lonak lehrulhnak ah, “hmuahnak nunphung, humhimnak sawmdawlnak, inn pakhat peknak, duhdawtnak langternak, minung ih sunsaknak nunphung” a rak tuah.

          Pope Francis in Christian mitin hnenah “milai nunram nunphung pawlkom ih hnon a tuar tu pawl hrangah thlacam sak dingah sawm phah in a tong a rak cem ter.

UN ih tarlang vek a si le, leitlunhuap mipum zateek 10 lole mipum taan 700 luan pawl cu farah harsa zet in an um. A thangso zo mi ram pawl hman ah mipum 1.6 billion cu daih awk ti um thiam loin an khuasa ti a si.

The Dicastery for Promoting Integral Human Development ih prefect, Cardinal Michael Czerny in Pope ih tumtahnak in lungto a si lo mi a neem mi thinlung nei dingah in sawm tiah a rak sim.

“Cohlannak cu bawmnak hnak in a sunglawi hleice. Kan dinhmun ah midang pakhat ret in in liam santu kan naunu lole kan u pa pakhat khat hawlhmuhnak a si,” tiah Cardinal Czerny in a rak sim. “Thlacamnak thawngin pumkhat ah kan cang.”

Hi thuthang cu Vatican News ih kan ngah mi a si.