Sersiam nak ih a danglam mi thil pawl in thlacam dingah lamzin in awn sak ti mi thuthang. May 23.2020

Sersiam nak ih a danglam mi thil pawl in thlacam dingah lamzin in awn sak ti mi thuthang. May 23.2020

             May 23.2020 ah Pope Francis in sersiam mi ih a danglam zet mi thil pawl cun thlacam dingah ziangtin in forhfial ti ruah dingin,” in sawm a si. Devin Watkins in Pope Francis ih a thlacam nak thuluu pawl thawn pehpar in tlawngkai nithum ni ih mipi pawl hnen ih a zirh sal mi cu, “sersiam nak le thlacam nak cu peh tlaih awk nak an neih thu,” a sim a si.

            Bible cathianghlim sungah, “Pathian ih leilung a sersiam nak thu,” in a thok. Cu mi cu Bible catlang pawl le lungawi nak hla pawl thawn an bang aw. Sersiam nak thu cu ziang hmuahhmuah ih mawi nak le that nak a si thu tu le tu khihhmuh ih ngan mi catlang pawl an si.

            That nak le famkim lo nak cu Pope Francis in, “sersiam nak ih a mawi nak le thuthuk cu thlacam nak ih a hramthok nak a si mi cang vaih nak pakhat a si thu,” a sim a si.

            Saam 8 sungah milai pawl cu an um nak an kiangkap pawl hrangih thlacam nakah an zuam thu le milai cu tu ni Astronomy ih in hmuh mi a danglam zet mi thil pawl ih phenthlam ah huham tum zet mi hnatuan nak pakhat le duhdawt nak ih pianzia in a tleu mawi zet mi van ih arsi a hmuh a si.

           Hi vek ih ruah nak in milai cu ziangvek kan si ti thu ruah in thlacam tu pawl lam in hruai tu a si. Pope Francis in milai pawl ih kan sambau nak a sim ah, “milai pawl cu a mawi zet mi thil pawl lawng ih sersiam mi kan si,” tiah a sim a si. Mangbangza in a khat ih minung pawl ih that nak cu leilungpi tah nak thawn a pehpar awk le a tawi zet tiah a rak sim. Thlacam nak ah zaangfah lainatnak thinlung cu a tamsawn tiah a sim.

           Saam 8 sung tho tho ah minung pawl ralring dingah in sim a si. Minung hrangah Pathian ih a to nak a tohkham cu kan mai sunlawi nak a si. Leipar dinhmun ih kan zoh le kan nih cu man kan nei lo nan Pathian ih kawh nak thawng in Pathian ih Fa kan si. A tamsawn cun Pathian ih mangbangza a sersiam nak thuhla pawl ruat in minung ih man kan thei.

Thangthat nak thuhla

           Pope Francis in sersiam nak thuanthu ih a hramthok nak ruat in hi tin a ngan. Isarel miphun pawl cu an ram in dawi an tuar ih Mesupotamia ram ah sal dinhmun in an rak um. Cui ram ah inn nei lo, biakinn nei lo, pawlkom le zum nak ziang hman an rak nei lo. Sersiam nak thuanthu ah ram dawi a tuar tu Isarel miphun pawl cu an nun nak ih Pathian hnen ih an lungawi thusim nak thuhla pawl an rak hawl thok thu a sim a si.

Hnahhlap nak ih forhfial nak

             Nitin harsat naklak ih thlacam nak ah minung ih nunnak cu mangbang tlak mi thazaang pawl le zum nak cu tu le tu an hmu. Thlacam nak cu hngahhlapnak ih forhfial nak a si. Catbanglo ih thlacam tu pawl ih an hmel cu a pan ih duh a nung zet. Cu mi pawl cu a thim bik ni pawl an lan thei nan leitlun ih thim nak in a neh thei lo tiah a sim a si.

Lungawi nak a keng tu pawl

            Kan mah ka zate cu Pathian ih pek mi thluasuah nak mangbangza a keng tu pawl kan si. Riahsia ih um dingah kan caan a mal tuk. Dam ih kan um hi lungawi in Pathian thangthat tlang uh si,” tiah Pope Francis in in sawm a si.

https://www.vaticannews.va/en/vatican-city/news/2020-05/artificial-intel...