Sualnak 4 hrialthei dingah thuthang latu pawl hnen Pope Francis in lamhmuh October 22, 2021

Sualnak 4 hrialthei dingah thuthang latu pawl hnen Pope Francis in lamhmuh

October 22, 2021

           Pope Francis in thuthang latu pawl sualnak 4 hrial thei ding hrangin lam a hmuh. Technical lam thansovivonak in minung khat le khat in nai aw ter. Cu vekin a dang a tul lo mi buainak pawl khal a suah ter. Cu mi pawl sungin pehtlaih awknak lamih sualnak 4 tla an tel tiah Pope Francis in a sim.

Cui sualnak 4 pawl cu :

1. Theihfiang lo mi thuthang pawl tarlang nak
2. A hman lo mi thuthang pawl pek nak
3. Mi thinna ter dingih ngan nak
4. Thatlonak lamih tha pek nak pawl an si.

Thuthang latu pakhat a si mi Ary Waldir Ramos in hi mi pawl cu a mai ‘Be-authentic’ tiih hmin a pek mi ca uk sungah a sim fiang sal. A mah cu Vatican ih thuthang latu pakhat a si. Curuangah mipi pehtlaihawknak a tuah tu tinkim ih neih tul mi ziaza 2 a rak tarlang. Cu mi pawl cu (1) ziang tin hna thong ding ti le (2) thei sun si lo in thuk zet in ngai dingah a si. A mah in ‘midang pawl thawn an pehtlaihawk tikah pehtlaihawknak ih thathnemnak a thei. Pehtlaihawknak cu tidaan pakhat a si. Khat le khat zohaw cio uh si. Cu lawngah khat le khat kan thei aw thei ding. Bang awk lonak pawl kan thei thiam ding. A danglamnak kan thei ding. A mai ca uk sungah Pope Francis ih mipi pawl thawn an pehtlaihawk daan pawl a rak ruat. Pope Francis cu sinak a bang aw lo mi pawl thawn pehtlaihawknak a tuah.

          Pope cu thungainak lam ih thiam zet tu a si. Kan nih cu kan thei menmen. Sim duh mi tongkam pawl a thei duh tu pawl, thudik a hawl tu pawl ih theih dingah tuah sak mi a si tiin a rak sim. A mai ca uk cu Rome khuapi ah an darh zo. Cui darhnak caanserh ah Cardinal Mario Grech khal in hi tiin a rak sim. ‘Tui san ih hmuh mi sim a si le Catholic Pawlpi ih mipa, nunau taksa lam that lo nak pawl ka lo sim ding.Thuthang pawl ih tarlang theu vekin dam ter ding, humhim ding hnak in nat ter ding, mualpho ter ding, thinlung, taksa lam siatsuah dingih tuah vek a si. Hi vekih tha ten ngai lo in mai zumnak ngan ih darh nak cu a ngaingai ih tuah hnak in sualpi a si tiah a rak sim.

         Ca uk sungah cangan tu in ‘thungainak cu thuthang latu pawl ih nunnak a si. Cu lawngah thudik an pholang thei ding. Thuthang latu pawl dinhmun in a lenglam men in si lo in tha ten thuthang pek thei ding cu mai hnatuan upat in tuannak, thinlung tak ih tuan a tul tuah Spain thuthang latu Eva Fernandez in a rak sim. Hi thuthang cu Rome Reports thuthang ih kan ngah mi a si.

Photo courtesy of National Catholic Reporter

https://bit.ly/3BfYIGI