"Sunmang man tlang uh si" timi hmin a nei mi Pope Francis in cauk a suah November 25, 2020

"Sunmang man tlang uh si"  timi hmin a nei mi Pope Francis in cauk a suah

November 25, 2020

            Christmas tikcucaan thleng dingah caan malte lawng a duh thlang. Pope Francis ih cauk thar cu cauk zuarnak dawr khal ah mi lei tam mi khal a si. Himi cauk cu suanawk nat ruangah Pathian rian tuan nak khualtlawn nak colh nak "lockdown" caan ih ngan mi a si. Himi ca ngan asi nak cu British thuthang la tu Austen Ivereigh ih a har mi thusuh nak san nak khal a si. Cauk sung ah ton rero mi pulh nat le leitlun minung pawl ih hmailam ih ton dingmi pawl a tel. Cauk ih hmin khal ngai na ding in "sunmang man tlang uhsi" tiin pek a si. Pope Francis ih thinlung sung tong kam, a tui tuar rero mi pulh nat pi cu kham in hlawhtling thei dingah corona virus nat dam ter dingah cun a thu pi tuk nan hiti zatlawngin a cang thei lo.

            Minung tinkim hrangah a thupi mi nunphung sumdawn nak, virus khal dam ternak sii hawl ding a si. Cauk thawn pehpar in Austen Ivereigh cu thiang thlarau Pathian in thil thar ruat dingah pek mi lamzin cu Pope cu sunmang man tlang uhsi timi lam zin a hmang. Cumi cu ralrin pek nak khal a si. Tuanvo pakhat hlen ding khal ah a si. Asinan a lenglam in a hrampi theih lomi a mah ten a ra mi asi. Himi lamzin khal thinlung tong dingah Pathian ih hman nak a si. "Sun mang man tlang uhsi" timi cauk sung ah Pope in a hlan san leilungpi ih thuhla thawn pehpar in thil tha lam asimi a ruah nak pawl cu hnih suah sai nak thawn zalen zetin a cauk a siar tu pawl hnen a sim. A thusim mi cu ngai nuamzet a si.

            Pope cu a tui leitlun thu thawn pehpar in minung pawl hnen felfai zetin a hmuh thei tu a tha bik mi a si. Himi cauk ih then tampi ah Pope cu a thupi mi lamzin thar thawn amah le mah a lang aw ter. Tahthaim nak in sim ding asile Pope cu hotu thuhla, nunau thuhla ziangtin a peh par aw, a tui pulh nat thawn pehpar in ziangtin a hmu. Kawhhran le pawlkom sung thenthek nak a hmuh daan a sim. A sim fiangnak ah mi tampi thawn a bang aw lomi Pope ih thuhla langter mi thu a tel tiin thuthang hnatuan tu in a ruat. Pope Francis cu Pope tiih an hril hlan ah amai ramih hna a tuan laiah a rak hmuh mi mipi pawl cu Bawi Jesuh dung an thlun tiin  a si. Himi ca tluan cu Pope Francis thuhla cu felfai zet ih sim mi ca tluan a si.

            "Sun mang man tlang uhsi" tiih sawm nak cu felfai dingah a tul mi a tui tikcucaan hrangah Pope le mi tampi hrangah tha a cak zet mi cauk a si ding. Harsat nak le hnaihnok nak a um timi a lang ter tu zuk khal asi. Himi harsat nak pawl, hnaihnok nak pawl cu a tui ton rero mi harsat nak pahsuak dingah harsat nak a thleng ter bet ding a si. Himi cauk cu a tui harsat nak kha caan tha tiin thleng in, leilungpi tha cak deuh dingah tuah nak lamzin asi ding tiin an ruat.

Himi thuthang cu Rome Reports thuthang ihsin kan ngah mi a si.

 https://bit.ly/2J675jl