Thailand ram sun ih nauhak pawl kilkhawinak tlawng do tuar nak ruangah Pope Francis in riahsiat nak ca kuat (October 7, 2022)

Pope Francis in riahsiat nak ca kuat

Thailand ram sun ih nauhak pawl kilkhawinak tlawng do tuar nak ruangah Pope Francis in riahsiat nak ca kuat

October 7, 2022

              Thailand ram ih ummi sunih nauhak kilkhawinak tlawng pakhat do a tuar ih mawh nei lo hnawifawp lai naute pawl tel in mi 30 luan an nunnak a cem. Himi thu a theih ruangah a riah a siat zet thu, tong ding hman um lo khop himi tuah mawhnak ruangah a riahsia tu an taan ta mi an innsang zate thawn a riahsiat thu le thlacam nak thawn a umpi ding thu Pope Francis in ca a kuat.

              Hi thil cang cu Thailand ram, Bangkok nisuahnak saklam ih sun ih nauhak kil khawinak tlawng pakhat asiih nauhak 23 tel in mi 30 an thih thu, palic pawl ih an zingzoi nak vekin, tuahmawh nak tuah tu cu palic ihisn suak mi asiih thuanthu ah mi pakhat hnih sung ihsin pawlkom in nauhak pawl thah nak cu thil tha lo bik tiin an sim.

              Himi hrangah secretary Cardinal Pietro Parolin in let hmat a thu ih Pope Francis ih cakuat mi ah a thin a nat zet thu le a thinlung muril thawn an innsang hrang thla camnak thawn a hnem thu a sim. A tuvek thinnat caan ah innsang pawl dinhmun in mai duh dawt mi pawl hnen ihsin khal siseh, ram mi pawl hnen ihsin khal siseh, thazang peknak le bawm nak pawl ngah hram uh tiin neta ah an remdaihnak le thil tha lawnglawng ngah hram uh timi thu thluasuah pe in a ca ah a ngan. Himi thuthang cu RVA thuthang ihsin kan don mi a si.

https://bit.ly/3VfSC4h

Add new comment

16 + 1 =