A thar ret mi Vatican ralkap pawl hrangah kiangkap thar le inn October 3, 2020

A thar ret mi Vatican ralkap pawl hrangah kiangkap thar le inn

October 3, 2020

            Vatican ralkap pawl cu kiangkap thawn pehtlai awknak a um ih, innsang vekin duhdawt awknak a um mi dinsal dingah tumtah nak a um thu Vatican in a tarlang. Vatican ralkap pawl cu "Swiss ralkap pawl" tin khal an ko. Ziangruangahtile himi hnatuan a tuan tu zate cu Swiss ram mi pawl an si.

            "Swiss ralkap pawl an um lo asile kan nunnak cu ziangtinhman ih ruah ban a si lo. Anmah pawl cu kan kiangnai ah sunzan catloin an um ringring" tiin Pope Francis in Swiss ralkap pawl ih tundin sal nak program pawl tuah laiah a sim. Himi "anmah pawl ih hnatuan nak ah thiam nal nak, daan neih nak, ralrin nak, zum nak le nunphung lam neih nak cutivek thuhla pawl cu anmah pawl hrang lungawi loin um a ngah lo thu, anmah pawl cu an no zet nan nitin daan thawn an feh. Kan him nak hrangah nazi (24) sung hna an tuan. Curuangah Vatican cu namah hrangah a pahnih nak inn vek asi ruangah an mah hrangah san a man ih, a him mi inn din nak cu a thupi tuk. Thenkhat ralkap cu inn sang an nei ih, nupi le fale khal an nei" tiin Pope in a sim.

            Anmah pawl hrangah inn sak dingah sumpai cu Pope a kilkhawi tu Swiss pawl ih tuah mi pawlkom in an bom ding a si. Cui paisa cu Swiss karuna pawlkom in (2016) Solothurn ah an rak thok. Himi pawlkom ih hotu cu Jean-Pierre Roth, Swiss ralkap upa Christoph Graf, inn cei nak saya a si mi Pia Durisch le Aldo Nolli pawl thawn fund hawl nak pawlkom ih aiawh tu pawl thawn himi inn sak nak cu tuah dingah on nak ngah a si. Himi hnatuan theh tiang a cem ding mi sumpai cu a hlu tu pawl khalin siang zet in a hlu ding tiin ruahsan a si thu fund hawl nak pawlkom ih hotu in ruahsan nak a nei. A tu sak ding mi thar cu tuilaisan a man mi thawn kaih in sak ding asi. A tui inn cu a sia tuk zoih Vatican ralkap pawl an um bet nak dingah hminsin mi pawlkom le a hlu tu pawl hnen a lung a awi thu a sim.

Inn sang ih duhdawt nak inn

            A tui inn cu innsang thawn a um mi ralkap pawl hrangah a har tuk. Innsang thawn um dingah a rem cang lo tuk. Curuangah fund hawl nak pawlkom in tuah sak in a hlu tu pawl khal hawl in Vatican cu Swiss ralkap pawl hrangah "a pahnih nak" inn si dingah tuah sak dingah, hitivekih tuah nak cu uniform mawi zet, a fai zet mi thawn Pope khal siseh, Pope pawl an rak um nak tlawng khal siseh, Vatican inn ah humhim nak hrang hna a tuan tu ralkap pawl hrang lawngah siloin an nupi, fate pawl hrang khalah ruahsak a si thu, ralkap pawl cu an innsang thawn um thei dingah a thupi thu, cutivek inn ang a nei ding mi pawl khal um nak um lo ruangah a leng ah innsang dingah a tul lo thu, a tui a khaan hnak in zatek 30 an than ding thu, cutiin kutsih nak a nei tu ding ralkap pawl khal innsang nuam zet in um a theih thu, a tui inn cu bal loin tuah that sla asile a tu hnak in a kau mi khan ngah a theih lo ruangah inn sak sal na a si thu fund hawl nak pawlkom ih hotu in a sim fiang. Himi thuthang cu Vatican thuthang ihsin kan ngah mi asi.

https://bit.ly/2SGzJZe