Thatho zet mi tukforhnak do dingah Pope Francis in ralrinnak pek

a_cak_zet_mi_tukforhnak_do_dingah_pope_in_sim

Thatho zet mi tukforhnak do dingah Pope Francis in ralrinnak pek

         Thathawhnak hi a tha ko. Asinan, ziangvek thil khal sisehla, a luar tuk tiang a cang thei. Harsatnak thleng ter lo mi thathawhnak vek Pope in sumdawnnak a tuah tu pawl hnenah lam a hmuh. Pope Francis cu March 14 ah Italy miphun sumdawnnak tuahtu pawl thawn Vatican ah an rak tongaw.

         Cui tonawknak ah Pope in Bishop pakhat ih ruahnak pek mi vekah ruat in ruahnak pek in on uh tiah a dil ih ruahnak a pek mi cu ‘nan nih cu sumdawnnak lamtluan ah thlarau pakhat nan si duh le nan thlarau hngilh hlah uh. Cui thlarau cu Pathian hnenih ra thleng mi a si. Curuangah kan nih in thatho zet mi hnaihnoknak hrial in ruat dingah thleidang thiam dingin tikcu caan tampi pe in humhim a tul thu hlawknak a um lo nan sumdannak ah tuanvo laknak khaisang ih tuah a tul thu a rak sim.

         Ziangah tile Biaknak lam a si lo. Sumdawnnak lam ah khal a hman a sual, thatnak siatnak pawl ruatsal ding a tul. Hi pawlkom ih hmin cu ‘Soul for Social Responsibility in Corporate Values’ (Sumdawnnak ah nunphung lam tuanvo nei mi thlarau) ti a si. Veikhat veihnih ah thathawh tuknak cu sunglam nunram (thuruahnak) pawl siatsuahnak ah a cang. Hi ti ti tikah Biaknak lam ti duhsan a si lo. Minung pakhat ih sunglam thawn pehpar mi a ti duhsan a si. Mi pakhat ih sunglam cu Biaknak lam zoh ah siseh, nunphung lam ih zoh ah siseh a thupi zet. Curuangah hi pawlkom khal thu simfiangnak pawl thawn tuah a si le hman a tlak zet. Asinan, tulsam mi cu pakhat le pakhat a bangawk lo ruangah pakhat ciar thawn lawng a sai. A lenglam a thathawh a duh pang a si le sunglam ah thil tha pawl, mawinak pawl thudik thuhman pawl thawn thatho zet in tha a that a tul tiah a rak sim.

 

Add new comment

3 + 0 =