A thi zo mi Bishop pawl le Cardinal pawl hrang Pope Francis in Missa sumnak tuah (November 4, 2021)

A thi zo mi Bishop pawl le Cardinal pawl hrang Pope Francis in Missa sumnak tuah (November 4, 2021)

                Pope Franci in a thi zo mi Cardinal 17 le Bishop 191 hrangah a hleice ih Missa sumnak cu November 4 ah a rak tuah. Pope Francis in a riahsiatnak lang ternakah a senzawng (rong) kawrfual a hrukih Pathian thu a rak sim. A nai bikih ruahnak petu Cardinal tel in a thi zo tu Cardinal pawl hrangih Missa sumnak tuah sak mi hi Pope hrangah a sunglawi zet mi caanserh pakhat a si. Hrekkhat cu covid ruangih nunnak cem mi an si thu sim phah in Pope in harsatnak karlakah a thi zo tu pawl ih rak tuar mi pawl le natnak thuhla thusimnak a rak nei.

               Hniksaknak pawl le buainak pawl hmaiah thinsau ding le thindai tei um ding hi thil ol a si lo. Veikhat veihnih ah dungsiip duhnak thinlung pawl le thanaunak tiang hman a tel theu. Harsatnak pawl karlak ah Pathian cu kan mah thawn a um. Pathian ih hnatuan ti mi cu Pa vekin kilkhawi ding a si ih nun sim tu pawl vekin buainak pawl in rem sak tu a si lo.‘Pathian cu a thupibik in kan natnak pawl lakah Pa pakhat in a fa le a sawmdawl vekin in um pi. Hniksaknak pawl lakah kan kiangah a um ih in um pi.

             Kan hmai pawl ah mitthli a tlak hlan ah in zaangfak tuknak ah a mah a tap hmaisa sawn ding ti’n ka ti’ ngam tiah sim phah in upa pawl tla thanaunak pawl le thinharnak pawl tong ter lo dingah a rak forhfial. Thinharnak, beidongnak pawl, thil thar a thleng mi pawl parah mawhthluk duhnak thinlung thawn kan upat vivo ding cu thil tha a si lo. Hi hi a har zet. Harsatnak ti mi cu sunglam nun thianfainak hrangah a tleu ih thangso dingah caantha pakhat a si tiin khal a rak sim. Vatican ramdang minister Archbishop Paul Richard Gallagher, Cardinals Giuseppe Bertello, Gianfranco Ravasi; le Pope in mifarah pawl bawmnak tuanvo a pek mi, Cardinal Konrad Krajewski pawl tla Pope Francis thawn cui ni ih Missa sumnak ah an rak tel. Hi thuthang cu Rome Reports thuthang ih kan ngah mi a si.

https://bit.ly/3wnc03p