Thitumnak ih mawinak thawn pehpar in Pope Francis in video ihsin thusimnak

Thitumnak ih mawi nak thawn pehpar in Pope Francis in video ihsin thu sim nak a nei. June 01, 2021

            Pope Francis in June thla sung hmuahhmuah cu innsang din dingih thitumnak nei dingah a timtuah rero laimi mino pawl hrangih thlacam sak ding ah mipipawl hnenah forhfial nak a nei. June 1 niih video ihsin thu a sim nak ah "thitawknak le nun tawm awk nak hi thil mawi zet pakhat asi" ti'n Pope Francis in asim ih, himi hi a caancaan ah harsat nak le vaivuannak thawn a khat mi lamzin pakhat khal a si. Sihmansehla zuam mannei zet mi thil khal a si thotho ti khal in a sim bet.

            Pope in thitum nak nei dingih a timtuah tu pawl hrangih thlacam a dil nak ah luangliam nun neih nak, rintlak sinak le thinsau nak pawl thawn an duhdawt nak thangso sinsin ding tumtah nak khal a tel. Cule video ihsin a thusim nak ah Pope Francis in "thitumnak timi cu Pathian ih kawhnak pakhat asiih maih nun sung hmuahhmuah hrang ruat ciamciam ih thu bot cat dingmi le tha teih timtuah ding mi thil khal asi" tiin a sim bet.

            "Nunsung an feh nak lam tluan ah nupi le pasal hi anmah te lawng an si lo, Jesuh Khrih in a um pi a si" ti khal in a sim. Tuitum ah hitivekih Pope ih thlacam a dil nak cu covid 19 nat ank um hlan 2019 kum laiah US ram ih thitumnak a mal vivo ruangah a si. Pathian le minung hmaiih thukam awk ank thawn nemhnget mi thitumnak ziang ih siar lo tu an tam vivo tinak si mai.

            European Union sungih ram pawl zoh tik khal ah 1964 thawn tahthim cun thitumnak a let in amal vivo ih nu le pa thenawk nak cu a let hnak in a thang vivo. Himi Europe ram pawl lak ihsin Italy in 2019 kum ah thitumnak a nei  mal bik miih an sim vek in tulai san mino pawl in a hleice in tuvek harsat caan ih thitumnak neih a duhlo timi hi thu dik asi ti khal in Pope cun a sim.

            "Duhdawt awk dingah thinsau nak khal a tul. Hmansehla zuam tlak thil asi" tin khal a sim. Thlatin, Pope ih thlacam ding tumtah mi cu Pope ih worldwide Prayer Network timi tlang than nak ihsin than a si theu. 2021 sungih Pope ih thlasam sak ding tumtah nak a neih mi pawl kan zoh tikah miih hmuhsuam nak le siat suah nak a tong tu nunau pawl hrangih thlacamsak ding le minung tampi in sual thlah nak saramentu san an duh sinsin nak dingih thlacam sak ding tumtah nak pawl an tel thu khal hmuh theih a si.

https://bit.ly/3iaTs1i