Thlacam nak a duh zet tu mithianghlim John Paul II .May 18, 2020

Thlacam nak a duh zet tu mithianghlim John Paul II

May 18, 2020

             A pahnih nak Pope John Paul ih secretary a rak tauntu Poland ram ih Cardinal Stanistaw Dziwisz le Pope John Paul ih thu hla suh awk nak, May 18, 2020

May 18 ni cu ni khat khat ah mithianghlilm ah a cang ding mi Karol Wjotyla tiih kawh mi a pahnih nak Pope John Paul ih kum zakhat kim ni sunglawi a si. Curuangah Pope Francis in May 18 ni, zinglam ih Missa raithawi nak cu St. Peter biakinn pi sungih um mithianghlim an ret nak thlaan par ah a rak tuah.

           Kum 1978 ih a pakhat nak Pope John Paul a thih hnu ih an tuah mi a veihnih nak Pope ah hril nak puai pi ah hril nak a rak ngah. A pahnih nak Pope John Paul cu kum 1978 in 2005 tiang, kum 27 tiang rori Pathian hna a rak tuan. A mai secretary rak tauntu Poland ram, Krakow khuapi ih archbishop Cardinal Stanistaw Dziwisz in Vatican ih interview thu suh nak pakhat ah a rak sim a si.

           Thlacam nak a thiam zet tu Cardinal Stanistaw Dziwisz cu a paruk nak Pope Paul san lai ih Cardinal si nak ih an hril hnu ihsin thok in Pope thawn Pathian hna an tuan tlang. Mithianghlim a pahnih nak pope John Paul in catbaang loin thla a rak cam. A nauhak lai ihsin thlacam nak ih man a neih zia a theih ruangah a thlarau lam ih nunnak khal ah a thuk vivo tiah Cardinal in a rak sim a si.

          Kan Pope ih a danglam zet mi a thil ti thei mi pawl cu hngilh a theih lo tiah Cardinal in a rak sim. A mah cu zohman a thleidang lo ih mi lian, mifarah, thu nei tu pawl, din hmun niam tu pawl, mi dam le dam lo pawl tiah a thleidang lo ih duhdawt nak le upat nak thawn mi a rak kom tiah Cardinal in a rak sim.

               Cardinal cu Pope thawn America ram, San Francisco khuapi an rak feh ih HIV nat hrik a nei tu nauhak te pakhat thawn ton awk khawm nak puai an tuah mi ta cu tahthim nak ah  hmang in a sim. Pope in a naa mi naute ih kut cu latahrat in a hnam ih thluasuah a rak pek. Cui dinhmun ih hi vek tuah nak cu Pathian thu sim nak ai in a tha sawn tiah a rak sim. Mithianghlim a pahnih nak Pope John Paul in a zung ih hnatuan tu pawl karlak ih pakhat le pakhat nel aw ten um thei nak hrangah innsungsang ti mi thinlung a rak pek. A tlaitluang mi a thinlung le a that nak pawl ruangah a zung hnatuan tu pawl khal a hlan ai in an hnatuan zuam zet in an tuan tiah Cardinal in in hlawm a si. Pope ih a tum zet mi a thil ti thei nak pawl ih a nun can daan pawl cu kan mah kan zate hrangah cawn tlak mi tahthim nak thazet in hmuh tiah Cardinal in a rak sim.

https://bit.ly/2ZkTA4Z