Thlacamnak in midang pawl bawm dingah thlarau lamah zaangzelnak in in run February 28, 2021

Thlacamnak in midang pawl bawm dingah thlarau lamah zaangzelnak in in run

February 28, 2021

          Pope Francis in a tuahkel vekin Zarhpi ni Angelus thlacamnak hmun ih a rak sim mi cu Bawi Jesuih hmuihmel thlengnak a rak ruat sal ih kan thlacamnak in leilungpi ih ruahsannak a keng tu duhnak pakhat ih thleng dingah Christian pawl a rak forhfial.

          Angelus cam hlan te ah Pope Francis in Zarhpi ni Bible Cathianghlim ih a hmuh mi Bawi Jesuih hmuihmel thleng nak thu fel fai zet in a rak sim sal ih Tabor tlangpar ih dungthluntu pawl a hruai hlan te ih Bawi Jesuih sim mi pawl a rak ruat.

          Jesuh Khrih in thih nak a tuar ding nain a thawh sal ding thu a  rak sim. “A cak ih a hlawhtling mi Messiah ih hmuihmel cu buainak      pakhat in a rak um ih dungthluntu pawl ih an ruahsan mi pawl khal a rak siat bal ih an zum mi Bawi cu sual nei mi vekin thah a tuar ding ti mi ruah nak ih riahsiatnak ruangah an thinlung a vaivuan,” tiin Pope Francis in a rak sim.

Thinlung kekkuainak

          Pope Francis in a rak sim bet mi cu “dungthluntu pawl in Bawi Jesuh a hmuihmel a rak thleng nak Tabor tlang ih feh dingah Bawi Jesuih dung an rak thlun.Bawi Jesuh in a dungthluntu pawl hnenah thihnak ihsin a thawhsal ding thu a rak sim. A hmuihmel le a kawrfual cu tleu nak in a rak khat. Thih nak ihsin a thosal mi a tleu zet mi zuk a hmuh cia vek in tihphannak thawn a um tu pawl khuathimnak pahsuak thei dingah tleunak a pek” tiah a  rak sim.

Ruahnak thar

          Pope Francis in Petru ih tongkam pawl a ruah sal nak ah “Bawipa, hi hmun cu kan hrangah hmun tha zet a si. Dungthluntu Petru ih lawmnak cu “Pathian in thimnak cu netabik tongfang si dingih a on lo mi Pathian ih ralrin peknak pakhat a si. Kan nih cun a cem thei lo mi harsatnak pawl kan ton tikah a thuk zet mi nunram ih thuk nak khuatleunak a pe thei tu tleunak le rikhiah mi thinlung ruahnak le leilungpi ih cawn tlak mi tumtah mi pawl hnak in sang deuh in pahsuak thei dingih in bawm tu ding tleunak” ti mi hmuhdan pakhat a tul.Kan nunram cu Easter puaipi ni ah Bawi Jesuih thawhsalnak thawngin tleunak ngah dingah Bawi Jesuh thawn tlang par ih kai dingin kan nih khal sawm mi kan si thu Pope Francis in thuk zet in a rak sim.

Thlarau lam ih zaangzel nak

          Asinain, Pope Francis in ralrinnak a rak pek mi cu: kan nih cu thlengawknak ah kan nuam aw ih kan thlarau lam ih zaangzelna ti mi thlengawknak kha cohlan a tul lo.Kan nih cu tlangpar ah um na rori in hi thlengawknak ih a mawi zet mi a hmuhton mi ah a nuam nak lawng ih um a ngah lo. Bawi Jesuh a mah rori in kan unau pawl karlak le nitin nunram ah in ko sal.

          Pope Francis in “thlarau lam ih zaangzel nak cu midang pawl an  ton reo mi harsatnak pawl ziang siar lo lai ah mah pakhat that nak lawng ih lungkim nak pawl cawl dingah a rak forh.“Tlangpar kainak cu nunram ih ton rero mi hngilhnak a si lo. Thlacamnak ti mi khal nunram ih harsatnak pawl hrial nak ti duh san a si lo,” tiin nunram ih thudik le thlarau lam ih thuhman cu fiang zet in a rak sim.

Christian pawl ih rawngbawlnak

          Pope Francis in Christian pawl hnenah Bawi Jesuih a rak ton mi kan hmuhton mi thleng in Bawi Jesuh ih rak ton mi kan hmuhton mi thleng in Bawi Jesuh ih tleunak leitlunhuap ih keng dingah a rak forhfial. Christian tinkim ih tuanvo cu “minung pawl ih thinlung ah tleunak van sak dingah a siih duhdawtnak le ruahsannak a keng mi Bible Cathianghlim ih meiinn pawl ih um nak a si. Pope Francis in a thianghlim zet mi Bawinu Maria in Jesuh Khrih ih tleunak hmuak ding, kilhim dingah le Bawi Jesuih thu cu kan unau pawl hnenih sim dingah kan mah thawn a tel ding thu thlacam phah in a thusim a rak cawl.

          Hi thuthang cu Vatican thuthang ih kan ngah mi a si. 

https://bit.ly/3eolBQL