Thuanthu ih a thupibik le a mawi bik mi ni tiah Easter puai, 2023 ah Pope Francis in sim.

thuanthu_ih_a_thupi_bik_le_a_mawi_bik_mi

Thuanthu ih a thupibik le a mawi bik mi ni tiah Easter puai, 2023 ah Pope Francis in sim.

Pope Francis in mipi 100,000 hrawng umnak ah Urbi et Orbi tuah daan kel lam ih thluasuah pek hlan ah, Easter Sunday, 2023 ah St. Peter tualrawn ah Missa Sumnak a rak tuah.
Rome ih nitlang le thaal caan ni thiang ah, Pope in Easter cu Bawi Jesuh thihnak ihsin a thawh sal ni, “thuanthu ih a thupibik le a mawibik mi ni a si,” tiah a rak sim.“Bawi Jesuh in nunram hrang lilawn kan hrangih a rak sak zo hrangah thihnak do in kan ruahsannak tui ni hrangah rei lo te ah a suak cing ding ruangah Pawlpi le leilungpi tla nan lungawi uh,” tiin St. Peter tualrawn ih a laifang in a rak sim. Kum 38 rei mi tuah daan kel thlun in, St. Peter rualrawn ih sagrada cu pangpar 35,000 le Netharlands ih thingkung pawl thawn an rak ceimawi.
A thawthawtnak lam damnak hrangah Rome ih siizung pakhat ah ni 3 sung a um hnu, April 01 ah Vatican le Rome ah Biakthawinak zarh ih tumtah mi a rak sim. Nikhua a daih ruangah, Colosseum ih tuah mi Good Friday ih Thinglamtah lampi thlunnak ah a rak tel lo, asinan papal schedule tuah theu mi a rak kilkhawi. Puithiam 300, Bishop 15, le cardinal 31 pawl in April 09 ah, Pope Francis ih tuah mi Easter Sunday Mass raithawinak ah an rak tel. Cardinal Battista Re in Pope Francis a feh le din a har ruangah altar ah an rak tuah.
Gospel thuthangtha siar mi, Jn 29:1-9 cu Latin le Greek tongin an rak siar. Bible catlang in Mary Magdalene le dungthluntu Peter le John in Bawi Jesuh a thawhsal hnu thlankua lawng an hmuh caan thuhla in sim. Tuah daan kel a si vekin, Pope Francis in Gospel siar theh hnu ah thuthangtha a rak sim lo, asinan malte sung thawmvang um lo ten thlacamnak an rak tuah. Pope khal April 09 ih tuah mi rundamtu hlanlai tuah daan kel ih sunlawihnak ‘Resurrexit’ ah a rak tel ve.
Tuah daan kel in, Latin ih sak mi cu Pope in ai-awhtu, dungthluntu Petru in St. Mary Magdalene theh hnu Bawi Jesuh a thawhsalnak hrangah hmaisabik teette pakhat a rak sinak a langhngan ter sal. “Resurrexit” hla an sak lai ah deacon pawl in altar kiangih rundamtu ih hminsinnak an rak ong. Missa sumnak theh hnu ah, Pope Francis in popemobile ihsin St. Peter tualrawn ih pumkhawm aw mi mipi 45,000 cibai a rak buuk hai. “Urbi et Orbi” ih duhsan cu Rome khuapi le leilungpi ah ti a si. Cu mi cu Pope in hleice tak in kum tinten Easter Sunday, Christmas, le puaipi ni pawl ah thluasuah cuangce in a pek theu.
“Tui ni cu thosal caan a si; Pasch ti mi cafang cu Bawi Jesuh ah thuthennak pek tu catlang a si. Ziangah tile thihnak ihsin thawhsalnak ah, sualnak ihsin thluasuah ah, tihphannak ihsin mah le mah rin awknak ah, rinhlehnak ihsin pumkhat sinak ah, ti duhsan a si. A mah ah Bawi Jesuih tikcu caan le thuanthu cu thinlung tak ih lungawinak thawn ‘Happy Easter to all!” tiah mitin sim ka duh” tiah a rak sim.Hi Easter cu “harsatnak demdeuhnak lamzin pakhat si dingah a hleice in mi damlo, mi zonzai, le farah harsa pawl hrangah duhsaknak a rak hlan.
“Kan mah pakhat lawng kan si lo; Kumkhua ih a nung mi Bawi Jesuh cu kan mah thawn a um,” tiah a rak ism. Kan ruahsannak cu nunram ih lilawn Bawi Jesuih in rak tuah sak mi hrangah thihnak do tu a si ruangah Pawlpi le leilungpi nan lungawi uh.”Pathian hnenah African ram pawl, thlanglam Sudan, Nigeria, Congo ih Democratic Republic, Tunisia, Eritrea, Burkina Faso, Mali, Ethiopia, le Mozambique pawl bawm dingah zaangfah a rak dil. “Kan harsatnak pawl le a palh mi pawl pahsuak dingah zamrang ten do in a tul bik mi pawl hnenah kan thinlung ong cio uhsi” tiah a rak forhfial. “Remdaihnak le unau lam tluan ah feh tlang uhsi. Bawmnak pawl pekin farahnak ihsin a suak tu zaten hmuaktu ram pawl in a thok ih ram tampi ihsin kan hnen a thleng tu a hngetkhoh mi ruahsannak pawl in kan lung in awi ter.”
“A si ko, u le nau pawl, tiin Pope Francisw in Easter ah leilungpi a thleng aw ih Bawi Jesuh a thawh salnak ih cang thei mi pawl lunghmui ten kan tuah thei ih a thupibik le thuanthu ih a mawi zet mi ni a si,” tiah a rak sim. “Bawi Jesuh a thosal zo; a ngaingai in a thosal zo!’ Nisuahnak lam ih Pawlpi pawl ih thuthangtha phuannak thuanthu ah: Christos anesti! ti mi in kan ruahsannak a palh lo; thudik a si ti mi dik zet in in thangphawk.
Hi thuthang cu CNA thuthang ih kan ngah mi a si.

https://bit.ly/3zZV7yn

Add new comment

8 + 12 =