Thumkom Pathian ih hminsinnak cu minung pawl hrangah duhdawtnak a si May 30, 2021

Thumkom Pathian ih hminsinnak cu minung pawl hrangah duhdawtnak a si

May 30, 2021

          Zarhpi ni ah Pope Francis in a sang bik mi Thumkom Pathian ih puai ni cu kan khualtlawnnak hi leitlun ah lam in hruai tu duhdawtnak le tleunak ih mangbangza a rak ruat ter. St. Peter tualrawn ah Angelus thlacamnak hmun in Pope Francis in hi Zarhpi ni ih hman mi Thumkom Pathian ih puai ni mangsal in ‘hi puai ni cu kan thinlung hnatuannak a lank o nain thinlung sungih tong theu mi thuthuk tum zet a si ti a rak lang ter. Ziangah tile St. John ih a rak sim nak ah ‘Pathian cu duhdawtnak a si’ ti mi thuphuan zaten a tawi zawng ih a rak tarlang ruangah a si.

          Lungrualnak

          Zumtu pawl hnenih a sim nak ah Pope Francis in a rak sim fiang mi cu ‘Pa Pathian in a Fapa hi leitlun ih a thlah nak thawn in a mah le a mah a ap aw ve. Khatlam ah Fapa khal in a mah le a mah Pathain hnenah a ap aw ih khat le khat an duhdawtnak cu Thiang Thlarau a si’ ti mi an lungrualnak hridai a si’ tiah a rak sim.Pope Francis in ‘Thumkom Pathian ih thuk zia cu Bawi Jesuh thawngin a rak langter. A mah cu Pathian duhdawt tu Pa ah Pa ih mithmai a rak hmuh. A mah cu a mah le a mah Pathian ih Fapa le Pathian ih tongkam ah milai a si nak a rak langter. Pope Francis in a sim bet mi cu Bawi Jesuh in Pa le Fapa ih a suak mi Thiang Thlarau thudik ih Thlarau, ruah nak tha in petu le in bawm tu ti mi ‘Paraclete’ Thlarau a suah thu a rak sim.

Duhdawtnak le tleunak ih thuthuk

          Pope Francis in ‘Thumkom Pathian ih puai ni cu kan khualtlawnnak hi leitlun ah lam in hruai tu duhdawtnak le tleunak ih thuthuk in ruat ter’ tiah a rak sim. Pathian thuthangtha phuannak ah siseh, Christian riantuantu tinkim ah kan mah in Bawi Jesuh zirh mi hi lungrualnak ziang siar lo ih um men a ngah lo. Thuthangtha ih mawi nak cun a bang aw lo mi kan mah lak ih nung dingah le teette khaan dingah in dil rero. Hi lungrualnak cu Khristian pawl hranah um lo theih lo ih kan tul bik mi a si. Cu mi cu sim rel nak men a si lo. Lungrualnak cu nunnak lamzin a si ih cu cu um lo theih lo ih kan tul mi khal a si. Ziangah tile lungrualnak cu pakhat lawng a si mi nunnak lamzin a si. Cu mi cu duhdawtnak ih duh nak, Pa Pathian ih zaangfah lainat nak, Bawi Jesuh ih um lo theih lo ih a tul mi a si. Bawi Jesuh cu thuthangthe le kan thinlung sungah Thiang Thlarau ih um nak a si ruangah um lo theih lo ih kan tul mi a si.Hi thuthang cu Vatican thuthang ih kan ngah mi a si.

 https://bit.ly/3fLrUxR