Tui harsatnak pahsuak thei dingah leilungpi in lungrualnak le suakkhat unau thinlung nei dingih a tul thu Pope Francis in sim January 11, 2021

Tui harsatnak pahsuak thei dingah leilungpi in lungrualnak le suakkhat unau thinlung nei dingih a tul thu Pope Francis in sim

January 11, 2021

          Zaten thawn a pehpar mi lungrual nak phorhsuak sal dingah harsatnak a tuar tu pawl thawn nai te’i um dingah, an mah pawl mai sungsuak unau vekah ruat in pulhnat sia ruangah leilungpi ih a ton rero mi harsatnak pahsuak thei dingah Channel 5, video thlah nak zungih thusuhnak ah Pope Francis in a rak forhfial. Hi pulhnat sia a theh ah a hlan vek cun ziang ti vek hman in a cang thei nawn lo. Kan tha vivo ding. Asi lole a besia ding. Mitin in ziang tinkim tha ten ruah sal a tul. Nunram ih a tubik mi man cu kan nunram kha tui dinhmun ih thleng aw ih nunkhuasak nakah a um. Pope Francis in thinnat nak pawl a si mi leitlun ih um nauhak pawl ih rilrawnnak, fimthiamnak zir thei lo nak, ral buai nak ruangah leilungpi ih then hrekkhat pawl siat suah nak dinhmun pawl a vun ruat sal. UN ih suah mi ca pawl cu tihnung mi a si lo.

          Tui harsatnak pahsuak hnu ah khal nauhak pawl le ralbuai nak pawl ton a si khal le a sung lawng a si.

Humhimnak siidawhnak cu milai ih nuntuzia pakhat

          Covid-19 humhimnak sii thawn pehpar in mitin in humhimnak siidawh a tul. Cu mi cu kan tuanvo pakhat a si. Mai duh nak lawng ih siidawh ding tiin mai duhduh ih tuah a ngah lo. Hi vekin mai duhnak lawng ih siidawh ding a si ah cun na harhdamnak na hringhro rero a si. Na nunram khal a him lo. Cu vek in midang pawl ih harhdamnak thawn a pehpar mi himnak khal a hringhro rero. Vatican ah covid humhimnak siidawt ding a siih Pope a mah rori khal sii an rak dawt zo. Sibawi pawl in humhimnak sii cu that lo nak a um lo an ti le mitin in siidawh a tul. Milai nunnak hringhro thei dinhmun a um thei ko nain mah pakhat ih nunnak hnakin midang pawl hrang ruah a tul. Zaten humhimnak lak a tul. Asi lole harsatnak cu zaten raltha zet ih pahsuak a tul ti mi dinhmun pahsuak ding lawng a tang.

          Suakkhat unau thinlung cu ziang vek dinhmun ah siseh, hmuhton rero mi harsatnak ah siseh, khat le khat naihniam aw dingah in tuah sak.Tu vek ih naihniam nak donkham tu thinlung umtudaan cu zo khal thih a si le a poi lo ti mi thinlung a si. Midang pawl ih nunram ziang siar lo nak cu milai pawlkom a siatsuah. Ziangahtile kan mah pakhat le pakhat in hla aw ter. ‘Kan mah’ ai ah ‘kei mah’ tiin kan ai-awh ter theu.Milai pawlkom ziang siar lo nak cu kan mah le kan mah that awk nak thawn a bang aw. Tui ton rero mi harsatnak pahsuak nak cu naih niam ten um in tuan tlang ding a si. Lungrualnak (a si lo le) naihniam nak a um lo le ramkhel sungah nunphung harsatnak pawl a cang thei.

          Curuangah Diocese hotu pawl le ram hotu pawl dinhmun in ‘kei mah’ tiin mah hrang lawng a ruat mi tong thei nak a um lo. ‘Kan mah’ tiin mi tampi ai-awh mi lawng hman thei nak a um. Hi vek in harsatnak karlak ah lungrualnak hawlsal a tul. Tui tikcu caan ih ramsung mi pakhat, Pastor pakhat, Puithiam pakhat dinhmun in “kan mah” tiah hmang lo in ‘kei mah’ tiih an hman lai a si ah cun tui dinhmun a cohlang thei hrih lo tu an si. Nunram ih harsatnak cu a tul mi a si. Asinain, tui dinhmun ah cui nunram harsatnak pawl cohlan thiam a tul. Ti duh san cu a kap ah ret sung a tul. Ram, Diocese, nunphung pawlkom pawl ih lungrualnak hrang tuah a tul.

Naukhamnak cu minunglaam thil thu a si. Covid pulhnat sia cu “a lak ih hmannak’ tuah daan a besia ter. Heu heh nak ti tikah ei, in le hman ding pawl hnak in pawlkom sungih thanau tu pawl, mi harsa pawl, mivai mi hnatuan tu pawl, kum u pa pawl hngilh ih ziang siar lo ih um nak a ti duh san a si.

          Cu vek in nauthlak nak khal harsatnak pakhat a si ih hi harsatnak cu Biaknak thawn lawng a pehpar mi harsatnak si lo in mipi thawn pehpar mi harsatnak a si. Biaknak lam thu hlan ah milai pawl ih cin le daan a rak si. Hi harsatnak cu Pathian a zum lo tu pawl thawn a pehpar ih harsatnak ziang ti zawngin kan tuah ding ti mi kha a si. “Minung pakhat ih nunnak hloral dingah a dang pakhat hlang ih tuah ter nak cu ti daan hman teh a si maw?” tiin thusuhnak a rak suah.

Hi mi thuthang cu Vatican thuthang ih kan ngah mi a si.

Photo courtesy of solidarity initiative

https://bit.ly/39TjH6y

Add new comment

9 + 11 =