Unau thinlung vekin duhdawt nak hawl in remawk sal nak le remdaih nak hrangah khawmzawh tu dinhmun in kan ra thleng March 4, 2021

Unau thinlung vekin duhdawt nak hawl in remawk sal nak le remdaih nak hrangah khawmzawh tu dinhmun in kan ra thleng

March 4, 2021

            Pope Francis in tlawngkai ninga ni ih thawh mi dungthluntu khualtlawn nak hrang timtuah laiih remdaih nak, unau thinlung vekin duhdawt nak le hnem nak tongkam hlawm aw dingah Iraq ram mipi pawl cu video message in a rak sim. March 5-8 tiang a tlawn nak a khualtlawn nak hrangah Pope Francis ih netabik a timtuah mi thuthangtha khualtlawn nak hrangih a man cia vekin Pope Francis in a thlen hlan te tlawngkai nili ni ah Iraq ram mipi pawl hnenah lungawi aipuang zet in anmah thawn a mah rori a um thu lungawi zet in a rak hmuh.

            Iraq ram ih um duhdawt zet mi ulenau pawl nan hnenah daih nak um hram seh tiin Pope Francis in thu a cah ih ni rei lo te ah nanmah thawn ka um ding. Nanmah thawn kan biak aw ding. Nan mithmai ka tong duh. Hlan lai vekin a danglam mi nunphung harsat nak a si mi nanram ah ka feh duh tiin a rak sim. Pope Francis ih ni suah nak a laifang nak ram ih a khualtlawn nak cu Pope St.John Paul II in 1999 ah a feh tum nan a feh ngah lo. Pope Francis ih nili rei a khualtlawn nak cu khuapi pawl ih a tlawn nak, Christian pawl kom pawl, biaknak lam hotu pawl thawn tonawk nak pawl a tel.

            Remdaihten rem awk sal nak hrangih thu rel khawm nak khual tlawn nakah Pope Francis in kum reipi ralbuai nak le tuah mawh nak theh hnuah Pathian hnen in ngaidam nak le remawk sal nak dil dingah a ra tlawng tu khawm zawh tu pakhat dinhmun in ka ra thlen nak a si. Reilote ah ralbuai nak pawl, him nak um lo nak le hrem nak pawl ruangah a langhngan mi kum zabi pahra sungah Iraq ram ih um voikhat ih a cangvai tu Khristian pawlkom a mal vivo ih 2003 ah taan khat in 1.4 tan tiang an rak um ko nain tui dinhmun ah 300000 in 400000 hrawng tiang a um ding tiin an zum.

            Pope Francis in nan zaten unau nan si thu sim sal dingah remdaih nak hrangih khawmzawh tu dinhmun in ka ra thleng . A dik, Muslim, Jew pawl le Khristian pawl innsang pakhat vekin lung a rual ter tu kan pa Abraham hngilh lo nak timi thulu thuai ah a dang biak nak lam a thlun tu unau pawl thawn thlacam tlang dingah le feh tlang dingah forhfial mi asiih innsang pawlkom hawl phah in remdaih nak ih khawm zawh tu ah nan mah karlak ah ka ra thleng.

            Harsat caan pawl ah Pawlpi ih hnem nak, Pope Francis in harsat nak pawl karlak ah Bawi Jesuh ah mai zumnak tetti a rak khan tu Khristian pawl hnen ih a hmuh otn mi a sim nakah an hnen ih a lung awi thu, Pa pakhat dinhmun in hnem nak tongkam a rak sim. Pope Francis in "martyr" tampi a suah nak Pawlpi a hmuh thei ruangah ka lo lungawi pi zet. Lo hmu thei dingah ruahsan nak ka nei" tiin Pope Francis in tuini tiang Iraq ih um Khristian zumtu pawlkom pawlih theih ringring mi "siatsuah a tuar mi inn pawl le ziang siar lo ih siatsuah mi biakinn zuk pawl" cu a rak nemhnget ih an theih mi martyr tampi cu duhdawt nakih tangdor mi ralthat nakih zuamnak um dingah in bawm thei hram seh" tiin thla a rak cam sak.

            Pope Francis in "an ton rero mi tih nungza farah harsa nakin in riah sia ter. Cui tihnungza harsat nak neh thei dingah lungkim pi hlah uh. That lo nak pawl hmaiah tha nau hlah uh. Pope Francis in an fimthiam nak a hrampi pawl khihhmuh dignah Iraq mipi pawl tha a rak pek ih amah cu ziang hmuahhmuah a tansan ko nain ruahsan nak thlauthla loin van ih arsi pawl vekin tesinfa pawl in hrin sak tu Abraham ih tahthim nak a rak pek. Duhdawt zet mi u le nau pawl, Arsi pawl zoh uh si. Hi Arsi pawl ah kan thukam pawl a um" tiin Pope Francis in an zaten a rak sim.

            Farah harsa pawl karlak ih ruahsannak, Pope Francis in kum reipi harsat nak a rak tuar ko nain a nung ring ring mi midang pawl cu nelawk nak le ruahsan nak tongkam pawl a rak sim. Pope Francis ih a rak sim mi cu "himi pawl cu Khristian pawl, Muslim pawl le a hleice in Yazidis pawl an tel. Nan mai a thianghlim mi leiram le hriamhma thawn a tang mi nan ram cu ruahsan nak thawn khawmzawh dinhmun in ka ra thleng. Nineveh khuapi ih um tu, nan hnen in siatsuah nak kham in ruahsan nak thar, Pathian ih ruahsan nak thar a keng tu Jonah ih a rak simnak kha kan von thei sal. Pope Francis in mitin in hi ruahsan nak thawn in, suan tuar dingah lam a rak hmuh. Hi thil in a thar ih thawhsal nak, din sal dingah tuletu tha a pek mi pakhat le pakhat duhdawt nak thawn bawm aw dingah le a thupi bik in leitlunhuap ih a cang rero mi covid 19 karh caan ah remdaih nakih hmailam khualtlawn tlang a tul thu a rak sim.

            A cem net nakah Pope Francis in a hlan kum thawng za leng lo ah Abraham ih a rak thawh mi remdaih nak ih khualtlawn nak ah a bang aw mi ruahnak thawn khualtlawn nakih feh tlang ding cu kanmah pakhat ciar parah a bun aw tiin biaknak lam thlun mi daan tete pawl a um ih u le nau pawl hnen ralrin nak a rak pek. Pope Francis in "nan zaten Abraham vekin ruahsan nak thawn feh in Arsi pawl zoh phah in tuah dingah a rak forhfial" tin Pathian ih thluasuah pawl dilin pakhat ciar hrangah thla cam sak ding dil phah in a thu sim a rak cawl. Himi thuthang cu Vatican thuthang ihsin kanngah mi a si.

Photo courtesy of: Journal-News

https://bit.ly/3emOtsm