Vatican le Tuluk cozah lungkim in hril mi a paruk nak Tuluk ram ih Bishop September 8, 2021

Vatican le Tuluk cozah lungkim in hril mi a paruk nak Tuluk ram ih Bishop

September 8, 2021

            Vatican le Tuluk cozah in 2018 ih an lungkim nak in hril mi Tuluk ram ih aparuk nak Catholic Bishop cu Fr. Francis Cui Qingqi a si. Amah cu kum 57 asizo ih, Capuchin Pathian riantuan nak pawlkom ihsin a si. Amah cu Hankou-Wuhan Diocese hrang Bishop thar a si. Himi thuthang khal Vatican ih thuthang ih simrel thei nak a nei tu in nem hnget in a rak sim zo. Vatican le Tuluk cozah cu 2018 ah lethmat an rak tthu mi lungkim nak cu kan dung 2020 ah a kum an than.

            An lungkim tlang nak thawn pehpar aw in Vatican ih secretary Cardinal Pietro Parolin in "atui lungkim nak thlaici thawn tahthim a duh thu, sawmnak a tammi leiram ah vorh mi thlaici pakhat a si thu, Nu Catholic Pawlpi cu harsat buainanak tampi a ton rero thu, asinan nuam teten a rah suak vivo ding tiin ruahsan a si tu, asinan thinsau ten hngak ding a si thu, thleng awk nak timi cu zamrang ten ngah a thei lo thu" a rak sim dah. A tui ret mi Bishop Francis Cui Qingqi cu himi Diocese cu 2012, December thla ihsin thokin tuanvo nei tu tiin tuanvo la in a kilkhawi tu a si. Amah khal Tuluk cozah ih kai hrem mi Tuluk ram ih Catholic Bishop pawl pawlkom ih secretary bom tu khal a si. Himi thuthang cu Vatican thuthang ihsin kan don mi a si.

https://bit.ly/3ngmdfn