Vatican library tuanvo nei tu pawl ih a san ih zir in Museum ih thleng dingah tuah (November 9, 2021)

Vatican library tuanvo nei tu pawl ih a san ih zir in Museum ih thleng dingah tuah
(November 9, 2021)
            Vatican ih Library ah thlalang thawn kaih aw mi Museum pakhat re in hmuh theih ringring dingah an tuah rero. Hi mi tumtah nakih hotu cu Rome khuapi ih kut thiam Pietro Ruffo a si. Hi Museum ah nunphung le dun le daan pawl a hram bun. Museum ih motto cu Pope Francis ih kiangkap kilhimnak thawn pehpar mi capi a si mi ‘Laudato si’ le minung pawl unau thinlung nei cio dingah khuatleunak lang ter dingih forhfial mi ‘Fratelli tutti’ capi ih thulu pawl an si. Hi tiih tuahnak cu san thar zuk suai thiam pawl sawm in Pope ih capi pawl cu nunphung parah bun aw in zuk pawl ih langsar thei dingah a si thu Cardinal Jose Tolentino De Mendoca in a rak sim fiang. 
           Museum cu khaan 4 ah an then. Pietro Ruffo in leilungpi lam le Van lam langsar in Museum thawn a rak phuan thok. Pope pawl in khual an tlawnnak ram ihsin an rak finkhawm mi hmuh har zet mi ram zuk pawl hmuh a theih ding. India ram ihsin Arsi le Van ih thil um pawl thu hla thawn peh par in zirnak casual siseh, kum zabi 16 ih an rak hman mi ni le arsi pawl a san lam tahnak thilri pawl khal hmuh theih an si ding. Museum cu November 5 ah an rak phuan ih hmaisabik ih rak zoh tu cu Pope Francis a si. Hi thuthang cu Rome Reports thuthang ih kan don mi a si. 
https://bit.ly/3F8RFlJ