A vei (4) nak pipu pawl puai ni hrang Pope ih thulu cu thinlung lam ih lungsiatnak ti a si.(Febuary 15, 2024)

A vei (4) nak pipu pawl puai ni hrang Pope ih thulu cu thinlung lam ih lungsiatnak ti a si.(Febuary 15, 2024)

          Pope Francis in “ka kum upat ruangah I hnong hlah uh” tiin 2024, leitlunhuap pipu pawl le kum upa pawl ni hrang thu a sim mi thulu a rak suah.

          Zarhpi ni, July 28 ah leitlunhuap ih Catholic mipi pawl cu a ropi zet mi hlawnthil le an pipu le kum upa pawl ih tanta mi fimnak ruat dingih tikcu caan la dingah sawm an si.

          A veilinak leitluhuap pipu pawl le kum upa pawl ni hrang timtuahnak ah, mipi innsungsang, le nunram hrangih Dicastery in 2024 ih tuah ding mi thulu a rak suah.

          Pope in Saam 71:9 sungta “ka kum upat tikah I hnong hram hlah” timi catlang thulu ah a rak hril.

          Dicastery ih tarlang mi vek a si le, riahsiatnak, mah lawng umnak cu kum upa mi tampi hrangah nunram ih tuar har zet mi a si.

          Pope Francis in thu a simnak sungah, Saam 71 sungta Bible Catlang, Pathian thawn an pehtlaihawknak thuanthu a ruat tu kum upa ih zaangfah dilnak thu a rak sim.

          “Kum upa le pipu pawl ih lungnomnak le Pawlpi nunram ih an rak tuah suak mi thawngin, leitlunhuap ni in tesinfa pawl le Bible catlang (Gen 2:18) sung, “cule minung cu a mah pakhat lawng um ding cu rem a ti lo” tiih a tarlang mi an pehtlaihnak pawlkom tinkim ih thasuahnak bawm dingah a hawl.

          Mipi, innsungsang, le nunram hrangih Dicastery Prefect, Cardinal Kevin Farrel in kum upa tampi ih tuar mi mah te lawng umnak tarlangnak hrangah Pope a upatnak a rak langter.

          Mah lawng umnak cu milai nunram hrial ding mi a si ih hnemnak hrangah Pa Pathian hnen kir sal dingih sawmnak khal a si tiah Cardinal Prefect in a rak phuang.

          Christian kan si vekin, leitlunhuap pipu pawl le kum upa pawl ni in tantanak nunphung hrial dingah le pawlkom ih siatawl zet mi sungtel “tha nemnak le duhdawtnak” langter dingah in sawm.

          2024, leitlunhuap pipu pawl le kum upa pawl ni cu Pope Francis in 2025 Jubilee hrang Catholic mipi pawl ih timtuah mi bawm dingih a rak sawm mi tui kum ih thlacamnak a si.

          Pope in 2021 ih leitlunhuap ni cu July, Zarhlinak Zarhpini hrawng ih tuah theu mi (Bawi Jesuih Pi le Pu) St. Joachim le St. Anna ih puai ni hrawngih tuah dingah a rak suah.

          Hi thuthang cu Vatican News ih kan don mi a si.