Zangfahnak le ngaidamnak cu raldo nak pawl le harsat tuar nak pawl pial thei dingah a tuah sak. September 13, 2020

pope_francis.jpeg

Zangfahnak le ngaidamnak cu raldo nak pawl le harsat tuar nak pawl pial thei dingah a tuah sak. September 13, 2020

            Pope cu nitin siar mi Gospel ah zangfahnak a nei lo tu hnen um ih thuhla zoh in kanmah pawl cu mi dang ngaidam dingah, duhdawt dingah zuam lo asiah cun kanmah khal ngaidam nak kan ngah lo ding. Duhdawt nak a ngah lo tu kan si thei thu zarhpi sun, sunlai Angelus thlacamnak hmun ah a sim. Ngaidam nak le zangfahnak cu kan nun pi dingmi nundaan asi ah cun leilungpi cu farah harsat nak pawl le natnak a phunphun ihsin luat ding asi thu sim phah in Khristian pawl Pathian ih zangfah nak thinlung kha cawng dingah a forhfial.

            Rome khuapi ih St. Peter tual rawn ih a khawm aw mi mipi pawl hnen a sim nakah Pope cu (Mt18:21-35) ih lang ter mi zangfahnak a nei lo mi hnen um ih um daan kha a sim. Siangpahrang cu hnen um ih a tam zet mi a leiba cu pe dingah zangfah a dil tikah a ngai thiam. Asinan cui hnenum cu a dang hnen um ih malte lawng asimi leiba cu pe dingih a dil tikah cui hnenum cu thawng a thlak ih a hrem. Siangpahrang in cui thu a theih tikah zangfah nak a nei lo tu hnenum kha a hrem. "Cutiin ngaithiam nak le zangfah ank cu kan nun pi dingmi nundaan asi ahcun harsat tuar nak, nat tuar nak le ral buai nak pawl ziangtluk in kan pial thei ding"

            Thu dik cu zangfah nak thawn a khat,

            Pope cu Pathian ih thinlung aiawh tu Pathian ih thinlung le minung pawl ih thinlung a lang ter tu hnenum ih thinlung cu ruat in a sim. Pathian ih thinlung cu zangfah nak thawn a khat mi thu dik asiih, minung pawl ih thinlung cu thudik kha laitek in an ret thu, Pathian in ziang hmuahhmuah cu thudik lawng ih thu then a ngah lo rungah kanmah pawl zangfah nak thawn huham ah raltha zet in tel dingah in forh fial thu a sim fiang. Zangfah duhdawt nak cu Bawi Jesuh kha Peter in kan par ih sual nak a tuah tu pawl vei ziangzat ngaithiam ding tiin thu a suh tikah Bawi Jesuh ih a rak leh sal nak thu a si thu, Bible ih thuthuk vekin kanmah pawl cu ziangtiklai caan khal ah ngai thiam nak nei dingah sawm nak a ti duh thu Pope in a sim.

            Minung kiangkap ih zangfah nak

            Pope cu "ngaithiam nak le zangfah nak cu kan nun pi dingmi nun daan asi ahcun harsat tuar nak, nat tuar nak le ral do nak pawl ziangtluk in kan pial thei ding" timi cu a ruat. Zangfah duhdawt nak cu minung pawl thawn nel aw zet ih pehtlai awk nak ah ret a tul thu nupa karlak, nulepa le fale pawl karlak, kiangkap pawl karlak, nunphung pawlkom pawl karlak le ram khel lam karlak khal ah ret dingah a tul thu a sim. Pope in a duh zet mi zarhpi sun a veikhat nak Bible Sirah Cathianghlim sungih a hmaisabik ca tlang a si mi "na caan netabik ruat in na ral pawl duhdawt aw" timi catlang khal a hlawm bet. A hlan ih ral awk nak le thinheng nak cu tho the vekin hnaihnok nak a thleng ter thei thu, ngaithaim nak cu tikcucaan malte sung hrang lawng asilo. Kan dung in in thlun ringring tu ral awk nak le thinheng na a kham ih tuah ringring mi thil a si thu, a sinan a hlan ih a cang mi pawl ruat sal nak cu cui theh hrih lo mi thil theh ding in a bom thu a sim.

            "Vancung um kan Pa thlacam nak ah sual nak ngaithiam dingah sawmnak"

            Himi tahthim nak cu (Mt 6:12) ih lang ter mi vancung um mi kan Pa thlacam nak ih ca tlang asimi "kan par ih sual nak tuah tu pawl kan ngaithiam bang tuk in kan sual nak khal in ngai thiam ve aw" timi ih a san cu in thei thiam ter. "Kiangkap ih um tu pawl ngaithiam nak hmuh lo asile kanmah pawl khal Pathian hnenah ngaithiam nak kan dil thei lo thu, midang ngai thiam dingah, duhdawt dingah zuam lo asile kanmah pawl khal ngaithiam nak kan co thei lo, duhdawt nak kan co thei lo thu" hi thu hman cu a cekci in a sim.

            Netabikah Pathian hnen leiba ziangtluk kan neih thu le that nak le zangfah nak hrangah kan mah ih thinlung sangka ong dingah mi zozo khal in mah le mah Bawinu ih kut sungah ap aw dingah forhfila phah in Pathian thuthangtha sim nak a cawl. Himi thuthang cu Vatican thuthang ihsin kan ngah mi a si.

https://bit.ly/2FA2tjp

Add new comment

13 + 2 =