Zo hrangah tuah a tul. Pope Francis ih forhfial nak pawl cu mitinkim hrangah nitin tuah tul mi that nak tuah nak pawl a si. Pope ih ruah nak pek mi a zaten thei lo hman ah a hrekkhat cu ruat tikah theih a theih. Hmailam hrangah lam zin ong phah in,

Zo hrangah tuah a tul. Pope Francis ih forhfial nak pawl cu mitinkim hrangah nitin tuah tul mi that nak tuah nak pawl a si. Pope ih ruah nak pek mi a zaten thei lo hman ah a hrekkhat cu ruat tikah theih a theih. Hmailam hrangah lam zin ong phah in,

Duhdawtnak sim uh.

          A si. A tuvekah mi thenkhat cu minung ruah nak hlo in thil an tuahnak karlak ah duhdawt nak lang ter dingah a tul sin sin. Bawi Jesuh in "Na ral pawl duhdawt aw" tiin in cah nan cutivek in duh thei lo hman ah a mal bik in mah le mah duhdawt aw. Taksa, thinlung dam dingin ralring aw. Mai kiangkap ih innsang, kiangkap duhdawt nak thawn bawm aw.

Kum upa pawl bom aw.

          Covid nat nak ruangah kum upa pawl cu nat nak a tuar bik tu an si. Thenkhat mi harsa kum upa pawl cu kilkhawi tu an neih lo ruangah lam zin par ah thlengin thia phah in rawl hawl phah in an um hmuh cun thin a nuam lo tuk. Thenkhat cu pi pu run inn ah nasazet in dam lo in an um hman ah innsang pawl thawn an tong aw thei lo. Thih hman ah phum an si lo. Anmah vekin kanmah khal kan u pa vivo ding timi ruat in kum u pa pawl zuamnak thawn bom uh.

Mino pawl ih ruahsannak tha pek uh.

          Covid ruangah tlawnginn pawl khar nak ruangah tlawngkai thei lo, feh duh khal le feh a theih lo. Tuah duh mi tuah ngah loin ruahsan nak tum tah nak tuah thei lo mi mino pawl an tam caan ah ralkap pawl ih kaih nak, hmuhsaum nak, thah nak pawl a tambik a tuar tu Kawlram mino pawl ih hmailam ruahsan nak pawl cu thazang pe dingah a tul tuk. Curuangah a tu can ah mino pawl hrangah tampi tuah thei lo hman ah anmah pawl tha pe aw. Hmailam ih hotu a si tu ding, Anmah pawl hruai in lam hmuh aw.

Remdaih nak ngah dingah thusim aw.

          Zalen nak le remdaihnak cu um lo thei lo in a tul ih a thupi tuk. Remdiah nak a um lomi ram ah zohman an um duh lo vekin sumdawn nak khal tuah a ngah lo. Curuangah Kawlram ah remdiah nak um lo dingin mipi pawl a that rero tu thuneih duhnak aicilh tu pawl le ruahnak tha lo pawl ruahnak tha ngah dingin remdiah nak hrangah nasa zet in tuah cio uh.

Minung kiankap ihsin hnon a tuar tu pawl hrangah ruat sak uh. Mi farah zonzai pawl zangfah nak thinlung thawn bawm uh.

          Pulhnat ruang khalah hnon tuar, hna  tuan nei lo pawl hrangah a harsa bik caan an thleng. Mi thenkhat hrangah nitin ei ding hman an diah awk lo. Curuangah zangfah nak thinlung thawn duhdawt nak nei in mah kiangkap ih hnon a tuar tu pawl bom aw. An dinhmun ah um sehla ziang ka cang ding. Ziang ka tuah ding. Ziang tin ka tuar ding an dinhmun vekin ruat asile an harsat nak thei thiam sak ding a si.

https://bit.ly/34kjDuq