Bawinu Mary hi tluninn on ve uh si (sim tu Saya Augustine Zai Hnin), December 8

Bawinu Mary hi tluninn on ve uh si

Thuthangtha sim tu Saya Augustine Zai Hnin (Lente Parish)

Siarding: Lk. 1: 26 - 38.

²⁶Elizabeth ih favun a thlaruknak ah Pathian in vancungmi Gabriel cu Galilee ram Nazareth an timi khua ah a thlah.

²⁷Siangpahrang David ih tesinfa a si mi Josef thawn ṭhi aw dingih thukamnak a neimi fala hnenah thu pakhat sim dingin a thlah. Cuih fala hmin cu Mari a si.

²⁸Vancungmi cu a hnenah a ra ih, “Na parah daihnak um koseh! Bawipa na hnenah a um ih thlawsuahnak tampi a lo pek a si,” tiah a ti.

²⁹Cuih vancungmi ih thusimmi a theih tikah Mari cu a don a har ngaingai ih a ṭongmi ih tican cu ziang a si pei tiah khuaruahhar in a um.

³⁰Cule vancungmi in, “Mari, ṭih hlah! Pathian mithmai ṭha na co a si.

³¹Fa na vun ding ih fapa na hring ding. A hmin ah Jesuh na sak ding.

³²Mi maksak a si ding ih Cungnungbik Pathian ih Fapa tiah kawh a si ding. Amah cu Bawipa Pathian in a pu David bangtuk in siangpahrang ah a tuah ding ih,

³³Jakob tesinfa pawlih tlunah a kumkhua in siangpahrang a si ding. A uknak cu a cem dah lo ding,” tiah a sim.

³⁴Mari in vancungmi hnenah, “Kei cu fala him ka si. * Cubangtuk cu ziangtinso a si thei ding?” tiah a ti.

³⁵Vancungmi in, “Thlarau Thianghlim cu na hnenah a ra thleng ding ih Cungnungbik ih cahnak huham cu na parah a um ding. Curuangah na hrin dingmi fa cu fapa thianghlim a si ding ih Pathian Fapa tiah kawh a si ding.

³⁶Na sungkhat Elizabeth kha na thei a si lo maw? Fa a nei thei nawn lo tiah simrelmi a si nain a tarzet hnuah fa a vun ih atu-ah thlaruk a si zo.

³⁷Ziangtin a si tile Pathian ih tuah thei lomi zianghman a um lo,” tiah a ti.

³⁸Mari in, “Kei cu Bawipa ih salnu ka si. Na sim vek cun ka parah si koseh,” tiah a ti. Cule vancungmi cun a fehsan.