Covid 19 Parih Lungawinak

Jesuh In Bawi Pakhat Ih Fapa A Damter

Jn. 4: 43-54.

⁴³Cutawkah ni hnih a cam hnuah Jesuh cu a suak ih Galilee ah a feh.

⁴⁴Ziangah tile amah rori in, “Profet cu amah ih ramah cun upatnak a ngah lo,” tiah a rak ti.

⁴⁵Galilee-ih a thlen tikah cutawkih mipi pawl in an rak hmuak, ziangah tile Jerusalem khua Lantak Puai ah a feh ih cuih puai sungih a thil tuahmi hmuahhmuah an rak hmuh zo ruangah a si.

⁴⁶Cule Jesuh cu tidai kha Sabitti ih a rak canternak Galilee peng Kana khua ah a feh sal. Cutawkah acozah bawi pakhat a rak um ih a fapa pakhat Kapernaum khua ah a na.

⁴⁷Jesuh cu Judea ihsin Galilee a ra thleng ti a theih tikah a hnenah cun a va feh ih, Kapernaum khua ah va feh in a thizikmi a fapa damter dingah zaangfah a dil.

⁴⁸Jesuh in, “Hmuhsaknak le khuaruahhar thil tla nan hmuh dah ti lo ahcun zohman in nannih pawl cun nan zum lo ding,” tiah a ti.

⁴⁹Cuih acozah bawipa cun, “Bawipa, ka fapa a thih hlanah ra hram aw,” tiah a dil.

⁵⁰Jesuh in a hnenah cun, “Va tlung aw, na fapa cu a nung ding,” tiah a ti. Cupa in Jesuh ih ṭong cu a zum ih a tlung.

⁵¹A tlunnak lamzin ihsin a hnen-um pawl in an rak hmuak ih, “Na fapa cu a nung ding,” tiah an ti.

⁵²Anih in, “Ziangtik caanah so ka fapa cu a dam deuh?” tiah a sut tikah annih in, “Mizan sun zanlam nazi pakhat ah a khurhnat a reh,” tiah an ti.

⁵³Cuih caan cu Jesuh in ‘Na fapa a nung ding,’ tiih a rak ti caante kha a si, tiah a pa cun a hun thei sal. Cuticun amah le a innsaang zatein an zum.

⁵⁴Himi hi Jesuh cu Judea ihsin Galilee-ih a rat hnuah a voihnihnak mangbangza a tuahmi a si.

Bawipa ih thuthangtha a si.