Deacon John Sai Ro Ling ih sim mi Thuthangtha

Mifim Pathum Puai hnu Zarhte Ni (January 11, 2020)

Johan 3: 22 - 30.

²²Cuih hnuah Jesuh cu a dungthluntu pawl thawn Judea peng ah an feh ih an hnenah malte sung a um ih baptisma tla a pek.

²³Johan khal Aenon timi, Salim ihsin a hlat lonak hmun ah, baptisma a pek ve, ziangah tile cutawkah cun tidai tampi a um. Mi tampi a hnenah an ra ih baptisma a pek hai.

²⁴Himi cu Johan thawng an thlak hlanih a cangmi thil a si.

²⁵Johan dungthluntu ṭhenkhat pawl le Judah mipa pakhat cu thianfaiter awknak thu ah thu an el aw.

²⁶Curuangah Johan hnenah an feh ih, “Sayapa, Jordan tiva ihsin nisuah lamih nangmah thawn a rak um dah pa kha na ciing lai a si lo maw? A thu na rel ṭheu mi kha! Atu-ah baptisma a pek rero ve ih mi tampi a hnenah an feh a si,” tiah an ti.

²⁷Johan in, “Pathian pekmi ti lo cun zohman in zianghman comi an nei thei lo ding.

²⁸Keimah rori in, ‘Kei cu Messiah ka si lo; a hlanih a rak thleng sungmi ka si,’ tiah ka simmi theitu cu nanmah nan si.

²⁹Ṭhitmi mothar cu a ṭhitu tlangval pa ih ta a si; a sinain nupi ṭhitu tlangval pa ih rualpi, a ding ih aw thawm a ngaitu pa cu, tlangval pa ih aw a theih tikah cun a lung a awi ngaingai. Cuih lungawinak cu ka ta a si ih ka lungawinak cu a famkim a si.

³⁰Amah cu a ṭhangso ding ih kei cu ka ṭumsuk ding,” tiah a ti.