A harhdam mi zumnak (Saya Cletus Hram Lian) July 2, 2022

A harhdam mi zumnak
Thuthangtha sim tu Saya Cletus Hram Lian
Nitin thlaraurawl (July 2)
Zarhpi menmen zarh 13 nak zarh te niih kan Bible siar mi pawl cu a veikhat nak ah Amos 9: 11-15/ Samhlabu 85: 9-10, 11-12, 13-14, Thuthangtha Mt 9: 14-17 tiang a si.
Duhdawt mi zumtu Khrih fa nulepa ulenau pawl tui ni kan siar mi a veikhat nak kan siar mi Amos cabu sung ta kan zoho asile Israel miphun pawl hi Pathian miphun an si na nan an biak mi a nung Pathian hmai ka ah cun an mawh an palh tuk ah an ral pawl kut sunga h an thleng ter theu mi, a miphun Israel pawl cu a tik cu a thlen tikah cun an ram cu ka din ter sal ding, ka tung ding sal ding, an phar pawl ka rem sal ding, atimi thu ahcun zumtu Pathian mi pawl pumpak cio ah siseh, kan innsung sang cio ah siseh, kan biak mi kan Pathian hmaisa ah kanmawh kan palh nak ruangih kan ton theu mi harsatnak pawl hi in duh tuk ruangih nunsim nak pawl an rak si theu.

Cumicu thlarau lam ih kan dam lo nak pawl kha dam te kan nunpi sal ding ah le a hmai ka ah duh nung za kan si sal nak dingah a harhdam mi zumnak dik thawn thuam awk sal kan tul a si. Cutin kand in hmun kan nuntuzia pawl cu kan Pathian cahnak huham ring in kan thuam awk sal ah cun, lei thi sa lam ah ziangvek din hmun kan va thleng ih, lungawi lo nak a phunphun kan tong rero khal asi le kan nunnak sung ah cun a harhdam mi zumnak kan neih ruangah ziangkim nei tu Pathian thawn kan um tlang ti a thei fiang ih hna ngam le lungawi ten kan nunzia in, in langter tengteng ding a si.

Sam hla bu sungih kan siar mi ah khal cu, Pathian ih ding fel nak cu vancung ih sin in run zoh ding, zo vekih mi neinung mi kan ngai lo tein kan inn sung sang cio ah a thluasuah in in cawm ding ih kan lung a awi ringring ding a si.

Duhdawt mi Pathian inn sung sang sung tel nulepa ulenau pawl le uh, thuthangtha kan siar mi Mt 9: 14-17 sung ta kan zoh a sile khal cu zumnak lam ah a harhdam lo mi natsia va nei farasi pawl cu Kan Bawipa Jesuh hnen ahcun ziang ah so kan nih pawl hmuah rawl kan ul theu nan, na dungthluntu pawl hmuah rawl an ul dah lo an ti tik ahcun, kan Bawipa Jesuh in mopa a um sung ah cun riahsia in an um ding? A ti asi mo pa a timi cu amah Jesuh hi a si. Ka thih nak, ka pa ih in lak can a thlen tikah rawl cu an ul leh ding a si, tiah a ti hngai a si. Cule ngaki hlun a tlek mi parah puan thar an belh dah kel lo, cuvek thotho in savun thawl hlun sungah sabit ti thar an thun dah lo a ti a si. A san bik mi cu kan nun hlunpi thawn mipiang thar vekih nun mah cu tlak sam nak nei lo bang in mi a tlasam mi parah ziang siar lo tivekih zum tu nun cu farasi pawl vekih nun a si ruangah kan Bawipa Jesuh ih umnak tlak lo khua vel pawl ih lung put asiih, nat nak le dam lo nak nei ringring mi an si ti nak a si.

Curuangah kan nih zumtu pawl cu thlarau lam ih damlo nak asimi kan sual kan palh mi pawl kholh fai cingcing ih kan um a tul al si. Cutikah a harhdammi zumnak sungah kan Bawipa thawn um ringring cio hram uh si. Falam RVA ihsin thuthangtha a rak ngai ringring tu kan Pathian in a harhdam mi nan zum nak parah thluasuah lo pek cio hram seh. Amen

Add new comment

11 + 6 =