He Le Heh Ti Phah In

Mifim Pathum Puai hnu Nithum Ni (January 8, 2020 - Nithum ni)

Tidai Parah Jesuh A Feh

(Mat 14.22-33; Joh 6.15-21)

⁴⁵Cuih hnuah zamrangte in Jesuh in a dungthluntu pawl cu long sungah a luhter ih tili khatlam ral Bethsaida ah a hmaiah rak feh sung dingin a thlah. Cule miseenpi pawl cu a tlunter.

⁴⁶Cibai a buk hai hnuah tlang parah thlacam dingah a feh.

⁴⁷Khua a thim tikah long cu tili laifang a thleng ih Jesuh cu amah lawng tlang parah a um lai.

⁴⁸Thli kha anmah lamih a hran ruangah a dungthluntu pawl in long an hlau tikah harnak tampi an tong ti kha a hei hmu. Curuangah zinglam khawvang deuh hlanah an hnenah cun ti parin a va feh. An kiang a thlen tikah lansan a tum,

⁴⁹a sinain ti parih a feh kha an hmu. Mithla ah an ruat ih an thin phangin an raak ciamco.

⁵⁰An hmuh tikah an zatein an ṭih ngaingai.

Hmakhatteah Jesuh in, “Nan thinphang hlah uh! Keimah ka si,” tiah a ti.

⁵¹Cule long sungah an hnenah a vung lut ih thli cu a dai. Dungthluntu pawl cu an mang a bangzet,

⁵²ziangah tile mi thawng nga rawl a daarnak kha a sullam an thei thei lo, an thinlung in a ruat ban lo.