Holy Innocents (Nauhak Pawl Puai Ni), Deacon John ih Thuthangtha sim mi

Nauhak Pawl Puai ni (Feastday of Holy Innocents)

(December 28)

Izipt Ram ah An Tlan

¹³Nisuah lam mifim pawl an feh hnuah Bawipa ih vancungmi pakhat cu Josef ih mangah a lang ih, “Hi naute hi Herod in thah dingah a hawl ding. Curuangah tho awla naute le a nu thawn Izipt ramah tlan uh. Kir sal ding i ka lo sim hlan lo cutawkah nan um pei,” tiah a ti.

¹⁴A ti bangtuk in Josef cu a tho ih naute le a nu thawn a zanzan in Izipt ram ah an tlan. ¹⁵Herod ih thih tiang cutawkah an um. Hi bangtuk ih a sinak cu Bawipa in profet * kaa in, “Ka Fapa cu Izipt ram ihsin ka ko suak,” tiah a rak timi kha kimternak dingah a si.

Herod In Nauhak Pawl A That

¹⁶Nisuah lam mifim pawl in in bum ngah ti kha Herod in a theih tikah a thin a heng ngaingai. Cule mifim pawlih simmi arsi suah caan thawn a vun tuat ih Bethlehem le a kiangkap khua ih a ummi mipa nauhak kum hnih le a hnuailam hmuahhmuah that ṭheh dingin thu a pek.

¹⁷Cuticun profet Jeremiah ih a rak sim ciami kha a kim. A rak sim ciami cu:

¹⁸“Ramah khawsung in aw a thang, ṭahnak le aihramnak aw a si. Rachel in a faate pawl a ṭah; An thih ṭheh ruangah a ṭap ih, Leem khal a theih nawn lo,” ti a si.