Kan Bawipa in na telve a duh

Rev. Fr. David Mangte ih sim mi Thuthangtha (February 15, 2020 - Zarhte ni)

Jesuh In Mi Thawngli Rawl A Dar

Siarding: Marka 8: 1-10.

(Mat 15.32-39)

¹Cuih hnu rei lote-ah mi tampi an pumkhawm aw lala. Mipi cu rawl ei ding an neih lo tikah Jesuh in a dungthluntu pawl kha a ko ih, 

²“Hi mi pawl hi ni thum sung ka hnenah an um zo ih atu-ah ei ding zianghman an nei nawn lo; ka zaang an fakzet a si. 

³Rawl ziang hman ei loih ka tlunter a si ahcun mi hrekkhat cu lam hlapi feh ding an si ruangah lamzin ah an ṭamsawl ding a si,” tiah a ti.

⁴A dungthluntu pawl cun, “Hi bangtuk ramṭhing ah hin zo in so milai hi zat hrangah rawl cu a hawl thei ding?” tiah an ti.

⁵Jesuh in, “saang hlom ziangzatso nan neih?” tiah a sut. Annih in, “Hlom sarih,” tiah an ti.

⁶Jesuh in miseenpi cu lei parah to dingin thu a pek. Cule saang hlom sarih cu a lak ih Pathian hnenah lungawithu a sim hnuah a phel ih mipi zem dingah a dungthluntu pawl a pek; a dungthluntu pawl cun an zem. 

⁷Nga fatete khal malte lai an nei. Jesuh in Pathian hnenah lungawithu a sim hnuah nga khal zem dingin a dungthluntu pawl a fial. 

⁸An zatein an ei ih an khopzet, minung cu thawngli tluk an si. 

⁹Cule an hlahmi kha dungthluntu pawl in ah sar ih bawm sarih a ti. Jesuh in mipi pawl cu a tlunter ih, 

¹⁰hmakhatte ah long sungah a dungthluntu pawl thawn an lut ih Dalmanutha pengah an feh.

Bawipa ih Thuthangtha asi.