Laitlang in Jesuh a suak maw (sim tu - Rev. Fr. Polycarp Thawngte) December 12, 2022

Laitlang in Jesuh a suak maw

Thuthangtha sim tu - Rev. Fr. Polycarp Khaw Nei Thawng

December 12, 2022

Mt. 21: 23-27

 23 Jesuh cu Biakinn sungah a ra sal ih thu a zirh rero laiah puithiam upa pawl le hotu pawl a hnenah an ra ih, “Ziangah so hi bangtuk thil hi na tuah? Zo in so thu a lo pek?” tiah an sut. 

24 Jesuh in, “Thu pakhat ka lo sut ve ding ih in let thei a si ahcun zo ih thu in hi bangtuk thil hi ka tuah ti ka lo sim hai ding,” tiah a ti.

25 “Johan in baptistma a pek kha Pathian thu in maw minung thu in so a pek,” tiah a sut. Cutikah anmah lakah pakhat le pakhat el awknak a um ih, “Ziangtin so kan ti ding? Pathian thu in kan ti a sile, ‘Ziangah so Johan cu nan zum lo,’ in ti ding.  

26 Asinain minung thu in kan ti lala khal le Johan cu mi hmuahhmuah in profet a si tiah an zum fawn ih miseenpi pawl in kanmah lehlam ziangmaw tiin in ti pang ding, ti phan a um fawn!” an ti.  

27 Curuangah, “Kan thei lo,” tiah Jesuh cu an let. Cule Jesuh in, “Cuti a si ahcun kei khal in ziangthu in hi bangtuk thil hi ka tuah, ti ka lo sim ve lo ding,” tiah a ti.