Mary, Pathian ih Nu (Mary, Mother of God) Puai ni ih Thuthangtha sim mi

Lk. 2: 16-21

¹⁶Cuticun manhlap zetin an feh ih Mari le Josef le rannung rawl einak kuang sungih a itmi naute cu an va hmu.

¹⁷Tuukhal pawl in naute an hmuh tikah vancungmi in cuih naute thuhla an simmi cu an hnenah an sim.

¹⁸Tuukhal pawlih simmi thu a theitu hmuahhmuah cu an mang a bang ngaingai.

¹⁹Mari in hi thu hmuahhmuah cu ṭhazet in a ciing ringring ih thuk zetin a ruat.

²⁰Cule tuukhaal pawl cu an kir ih an hmuhmi le an theihmi pawl ruangah Pathian thangṭhatnak hla sak phah in an tlung. Vancungmi ih a rak sim cia vekin a kim ṭheh a si.

Jesuh Hmin An Sak

²¹Zarh khat hnuah naute cu a serhtan caan a kim tikah Jesuh tiah a hmin an sak. Cuih hmin cu a nuih a vun hlan ihsin vancungmi in a rak sim ciami hmin a si.