Mi Lai Fapa Caan (sim tu - Rev. Fr. Joseph Ro Nei Thang) November 17, 2023

Mi Lai Fapa Caan

Thuthangtha sim tu - Rev. Fr. Joseph Ro Nei Thang

November 17, 2023

Siarding: Lk 17: 26-37

26 Noah sanlai a rak cang zo bangtuk in Milai Fapa san khalah a cang ve ding.  

27 Noah a long sungah a lut ih tilik a tlung ih mi hmuahhmuah an thih ṭheh hlan tiangin mizapi cu an nuam, an ei an in ih an ṭhi aw rero lai.  

28 Lot sanih a rak si zo bangtuk in a si ve ding. Zozo khal zu an in, sa an ei; thil an lei, thil an zuar; thlai an ciing ih inn an sak.  

29 Lot in Sodom a tlansan ni ah van ihsin meisa le kaat ruahpi bangin a rung sur ih mi hmuahhmuah an thi ṭheh.  

30 Milai Fapa a rung lang ni ah cun cuvek in a si ve ding. 

31 Cuih ni ah cun a inn diphun ih a umtu cun a innsungih a ummi thilri la dingah ṭum hlahseh. Cuvek thothoin loih a rak umtu cu innah tlung hlahseh.  

32 Lot ih nupi kha nan ciing lai maw?  

33 Zokhal amah ih nunnak hum a tumtu cu a nunnak a sung ding; a nunnak a liamtu cun a nunnak a hum ngah ding.  

34 Thungai in ka lo sim: cuih zanah ihkhun pakhat ah mi pahnih an ittlang ding; pakhat cu a lak ding ih pakhat cu a taanta ding.  

35 Nunau pahnih sum an deng tlang ding; pakhat cu lak hlo a si ding ih pakhat cu taanta a si ding,”  tiah a ti.  

36 “Mi pahnih lo ah hna an ṭuan tlang ding: pakhat cu lak hlo a si ding ih pakhat cu taanta a si ding,” tiah a ti.

37 Dungthluntu pawl cun, “Bawipa, khui tawkah so?” tiah an sut. Jesuh in, “Ruak a umnak hmun ahcun langta an khawm aw ding,” tiah a sim.