Nitin Thuthangtha (Saya Cletus Hram Lian ih sim mi)

17.9.2019 ni ih sir mi Bible thianghlim sungah kan zoh asile kan Bawipa Jesuh in khal siseh, St. Paul in khal siseh mi kai hruai daan le hotu si daan hi in zirh mi cu asi bik.

Ka duh dawt mi zum tu nule pa u le nau, Pathian fale pawl le uh,

          Tui ni ih kan siar mi thu thang tha St. Luke 7:11- 17 tiang kan siar mi sung kan zoh a si le, Kan Bawipa Jesuh Khrih hi Nain ti mi khua lam ah cun a feh ih dung thlun tu pawl le mi tampi in an thlun.

1. Ziangruangah dung thlun tu pawl lawng thlunloin mi tampi in an thlun thu kan zoh le kan ruah tikah, Bawipa Jesuh cu leitlun mi hmuah hmuah run dam nak thu le mang bangza Pa Pathian ih huham cah nak thawm thu thang tha a sim mi pawl le mang bang za in thin lung tangdor thinniam nak fel le thianghlim teih mi a kaih hruai nak an hmu ih an theih tikah kan Bawipa Jesuh thawn um hi a nuam zia an tep ngah tik ah cun, mi tam pi in an thlun nak cu a si.

2. Nain khua ih an khua hnar an thlen tik ah cun Nain khua sung mi pawl nuhmei nu ih fapa neih sunte a thih ruangah thlan mual lam pan in va phuum ding ih an feh mi a si. A nu cu a tap rero ih Bawipa Jesuh in a zang fah ngai ngai. Bawi pa Jesuh in tap nawn hlah a ti ih ruak kuang cu a tham, cule a zawn tu pawl khal an cawl ve. Cutikah Jesuh in tlang val pa tho aw ka lo ti, tiih a tong ve tein,a tho ih a tong thei cih mai a si. Cule Jesuh in a nu ih hnen ah a hruai ti mi thu thang tha kan sir ih kan theih mi a si. Curuangah kan Bawipa Jesuh thawn ton awk le um tlang hi cu thihnak ih sin kumkhua a hmun mi amaih um nak van cungmi thiang hlim pawlthawn kan um tlang nak ding hrang ah kan thawhsal nak a si zia in theih ter lawng siloin an taan taak mi inn sungsang hrang ah kan ruah dingmi cu kumkhua kan then aw taktak ding mi asi lo kan tong aw sal ding ih kumkhua in kumkhua tiang kan um tlang leh ding tiih in khih hmuh cia nak mang bangza Pathian a si nak in, in hnemmi asi. Tap rero in tuar har ding tiang in siang loih hnangam lungawi zia kan thiam thei nak dingah in zirhmi asi fawn.

           Curuangah kan Bawipa Jesuh Khrih ih mi hmuahhmuah kan sual nak sung ih sin rundamsal kan si nak dingah mi kaih hruai daan kan zohsal a sile zo vek mi khal thlei dan neiloin duhdawtnak sungah tangdornun, mizawn ruah nak nun, harsat a tuar tu pawl hnangam lungawi nak pek in rundam nak sungah in kaihruai rero nak cu a si. Lei lung tlunih kan nun can tawi te sung kan nung zia kan ruat asile dam lo nak phun phun, harsat nak phun phun thinlung lam ih kan damlo nak pawl khal siseh, zum tu pawl ih kan tuar thei lo ding tiang in, in tuar sianglo thu cu 1 Kor 10:13, sual forh hnik sak nak nan ton mi pawl hi midang hnen khal ah a thleng theu mi sual forhnak hi a si ko. Sikhalsehla Pathian cun a thu kam mi a kim terih nan tuar thei lo ding tiang sualforhnak a thleng lo ding. Sualforhnak nan ton caan ih tuar thei dingah tha ziang a lo pek ding ih cuticun nan luat nak dingah lamzin a lo sial sak ding ti khal in thuthangtha sim in in kai hruai tu St. Paul in khal in zirh bet a si.

Tui zing ih a vei khat nak ca thianghlim kan sair mi St. Paul in Timote hnen ih a vei khat nak ca a kuat mi 3:1- 13 sungah kan zoh a sile kan nih khal cu hruai tu ih kan nun zia nun khua sak daan hi in zirh nak thu kan hmu thei a si. Hruai tu ti mi ah hin kawhhran hruai tu pawl cu a ti tik ah kawhhran sungih um zumtu pawl hruai tu, lu le kawh hran sungih um  kan inn sung sang cio, cun inn sung sang cio sung ih ziang vek pawl kom kan va si le khal, mino tete kan hna tuan nak cio ah le fimthiam nak lam kan zir lai mi tlawngta ih sin thok in kan um nak hmun tin kim ah hruai tu din hmun in fel le thiang ten ih um in duh sak a si. Cuvek ih nun daan kan thiam a si le thin lung thlarau lamah hah dam nak si vai tha bik ti nak a si ih kan kiang kapih um tu pawl hrang tiang in mi a lungawi ter ih mi a hna ngam ter fawn tikah kan Bawi pa Jesuh tong kam in si vai sung lawi kan nei ti nak khal a si.

          Mi tam pi thawn har sat nak phun phun  kan tongih kan tuar tlang tik ah khal cu kei cu hruai tu dinhmun ka si thei fiang aw in thaazang mi pek daan tele hna ngam lungawi nak tong kam thawn in hruai kai tu tha bik kan Bawipa Jesuh Khrih tong kam ring in kan tik cu le caan kan neih mi tin kimah hmang suak teng teng ding kan si.