Thlarau luat nak (sim tu - Rev. Fr. Joseph Ro Nei Thang)

Thlarau luat nak

Thuthangtha sim tu - Rev. Fr. Joseph Ro Nei Thang

November 10, 2023

Siarding: Lk 16: 1-9

1 Jesuh in a dungthluntu pawl hnenah, “Voikhat ah milianzet pakhat a um ih a thilri kilkhawitu dingah siahhlawh pakhat a nei. Cuih a siahhlawh pa cun na tangka a thehvorh a si, tiah a bawipa cu an sim.  

2 Cuhrangah a hnenah a ko ih ‘Na thu ka theihmi hi ziangtinso a si? Ka thilri na kilnak cazin kimtein i pe aw; ziangah tile ka thilri kilkhawitu na si thei nawn lo ding,’ tiah a ti.  

3 Cutikah a siahhlawh pa cun ‘Ka bawipa in ka hnaṭuan ihsin i dawi tum a si hi! Ziang so ka tuah pei? Leilung lai ding le ka ti thei lo; mi thil dil ih um ding le ka ning a zak fawn.  

4 Asinain thil pakhat tuah ding ka thei! Ka hnaṭuan a cem tikah an innih i umter siangtu rualpi ṭha ka neih a ṭul ding,’ tiah a thinlung in a ruat.  

5 Cuhrangah a bawipa hnenih leiba a neitu hmuahhmuah a ko khawm. Pakhatnak pa cu ‘Ziangzat so ka bawipa na baak?’ tiah a sut.  

6 Anih in ‘Olif hriak pung zakhat,’ tiah a let. Thilri kilkhawitu pa cun ‘Hihi na cazin a si ding: to awla pung sawmnga, tiah ngan aw,’ tiah a ti.  

7 Cule a dang pakhat pa cu, ‘Nangteh ziangzatso na baak?’ tiah a sut. Anih in, ‘sangvut dip thawngkhat,’ tiah a let. Thilri kilkhawitu pa cun, ‘Hihi na cazin a si ding: dip zariat, tiah ngan aw,’ tiah a ti.  

8 Hi mihrokhrawl thilri kilkhawitu pa hi cubangtuk in fimvar zetih thil ti a thiam ruangah a bawipa in a porhzet, ziangah tile hi leilungtlun mi pawl hi anmah ih thu tawlrelnak ahcun tleunak sungih a ummi pawl hnakin an fimvar sawn a si,”  tiah a ti. 

9 Cule Jesuh in, “Cuti a si ruangah hiti in ka lo sim: leilung tlunih sumsaw hmangin rualpi tuah uh, ziangah tile leilung thilri a cem tikah kumkhua a hmunmi inn ah luhter nan si ding.