Timtuah nak thawn (sim tu - Rev. Fr. Joseph Ro Nei Thang)

Timtuah nak thawn

Thuthangtha sim tu - Rev. Fr. Joseph Ro Nei Thang

November 12, 2023

Siarding: Mt. 25: 1-13

1 Jesuh in, “Cuih caanah cun vancung Uknak cu mopa hmuak dingah an mei-inn thawn a fehtu fala pahra bangtuk a si ding.  

2 Cuih fala pahra sungah panga cu an aa ih a dang panga cu an fim.  

3 Fala aa pawl cun mei-inn an keng nain zinan an keng lo.  

4 A fimmi pawl cun an mei-inn khattein zinan an keng.  

5 Mopa cu a thlen a tlai ruangah fala pawl cu an sing ih an itthat.

6 “Zanṭim a si tikah, ‘Mopa a ra! Tho uhla va hmuak uh,’ tiah au thawm a thang.  

7 Fala pahra cu an ṭhang ih an mei-inn cu an timtuah.  

8 Cule fala aa pawl cun fala fim pawl hnenah, ‘Kan mei-inn an mit cuahco thlang, nan zinan in ṭhen ve uh,’ tiah an dil.  

9 Fala fim pawl cun, ‘A cang lo ding, nannih ceem in zinan kan keng lo. Dawr ah va feh uhla va lei uh,’ tiah an ti.  

10 Curuangah fala aa pawl cu zinan lei dingah dawr ah an va feh; an feh sungah mopa cu a rak thleng. Ralringte in a rak um ciami fala panga pawl cu mopa thawn nupiṭhit rawldarnak puai sungah an lut ih saangka an khar.  

11 “Cuih hnuah fala dang pawl cu an ra thleng ih ‘Bawipa, bawipa, saangka in rak on hram aw,’ tiah an au.  

12 ‘Thungai in ka lo sim: nannih ka lo thei hai lo,’ tiah mopa in a ti,” tiah a sim. 

13 Jesuh in,“Cutiin a ni le a caan nan theih lo ruangah ralringte in hngak uh,” tiah a netnak ah a ti.