Vancung Uk Nak Facebook

Vancung Uk Nak Facebook (sim tu - Rev. Fr. Polycarp Thawngte) July 26, 2020

Mt. 13:44-52

⁴⁴“Vancung Uknak cu lo sungih thuhmi hlawnthil bangtuk a si. Cuih hlawnthil cu mi pakhat khat in a hmuh tikah ṭhatein a khuhta ih lungawi aipuang in innih a neihmi hmuahhmuah kha a zuar ih cuih lo cu a lei,” tiah Jesuh in a sim.

⁴⁵“Vancung Uknak cu hi bangtuk a si. Sum tuahtu pakhat in keplung mankhung a hawl.

⁴⁶A man a khung taktakmi keplung a hmuh tikah a neihmi dang hmuahhmuah kha a zuar ih cuih lung cu a lei,” tiah a sim.

⁴⁷“Vancung Uknak cu tili sungih vorhmi sur bangtuk a si. Nga kaitu hrekkhat in an sur cu tili sungah an vorh ih nga phunkim an awk.

⁴⁸An sur a khah tikah ti kapah an hnuk ih an tohmun in nga cu an hriil; nga ṭha pawl cu an bawm sungah an san ih nga ṭha lo cu an hlon.

⁴⁹Cu bangtuk in san cemnak caanah cun a si ding; vancungmi pawl an feh ding ih mi ṭha pawl lak ihsin mi ṭha lo pawl cu an khawm ding ih,

⁵⁰meisa sungah an hlon ding. Cutawkah an ṭap an raak ding ih an hacang an rial ding a si,” tiah a ti.

⁵¹Miseenpi pawl cu Jesuh in, “Hi thu hmuahhmuah hi nan thei thei maw?” tiah a sut. Annih in, “Kan thei,” tiah an sawn.

⁵²Cutikah Jesuh in, “Cu a si ahcun vancung Uknak thu a zir zomi Daan zirhtu pohpoh cu a thilri retnak inn sung ihsin thil hlun le thil thar a hun suahtu, inn neitu pa bangtuk a si,” tiah a sim.

Bawipa ih thuthangtha a si.