Ziangah so kan thlacam mi vek in kan ngah lo (sim tu - Rev. Fr. Joseph Ro Nei Thang) October 6, 2022

Ziangah so kan thlacam mi vek in kan ngah lo

Thuthangtha sim tu - Rev. Fr. Joseph Ro Nei Thang

October 6, 2022

Siarding: Gal 3: 1-5/ Lk 11: 3-15.

Lk 11: 3-15

5 Cule Jesuh in a dungthlun pawl hnenah, “Thuṭhimnak ah nanmah lakih pakhat in na rualpi inn ah zanṭim ah feh tahratin ‘Ka rual, saang hlom thum in i coih hram aw.  

6 Ka rualpi pakhat khualtlawnnak ihsin ka inn a ra thleng ih rawl pek ding zianghman ka nei lo,’ tiah na va ti.  

7 Cule thuṭhimnak ah a innsung ihsin na rualpi cun ‘I hnaihnok hlah. saangka ka khar zo ih ka faale thawn kan it zo; thil pe dingin ka tho paih nawn lo,’ tiah ti bang sehla,  

8 ziangtinso na tuah ding? Thungai in ka lo sim: a rualpi na si ruangah hung tho in na dilmi saang cu lo pe lohli lo hmansehla ningzak loin na dil rero hrat ahcun a tho pei ih na ṭulmi cu a lo pe ko ding.  

9 “Curuangah hiti in ka lo sim: dil uh, nan ngah ding; hawl uh nan hmu ding; king uh, nan hrangah saangka on a si ding.  

10 Ziangah tile a diltu hmuahhmuah in an ngah ding, a hawltu cun an tong ding ih a kingtu hrangah saangka cu onsak a si ding.  

11 Nannih pale pawl lakah na fapa in ngasa lo dilsehla rul a petu nan um pei maw?  

12 Asilole arti a dil tikah varngen-meipir a petu nan um pei maw?  

13 Mi ṭha lo nan si ko nain nan faale hnenah cun thil ṭha pek nan thiam a si ahcun vancung nan Pa in ziangtlukin so a diltu hnenah Thlarau Thianghlim cu a pek sinsin ding!” tiah a ti.