Hand phone hmang tu pawl hrang ih mi thlasuak si nak (10) August 13, 2021

handphone_hmangtu_pawl_hrangih_mi_thlasuah_sinak_pahra

Hand phone hmang tu pawl hrang ih mi thlasuak si nak (10)

August 13, 2021

          A hman ah cun Bible sung ah tlangpar thuzirh nak 8 lawng a um. Asinan a tui ca ngantu in danglam zet in a bet ih thuthangtha ngah nak thu tha 10 tiin 2 a thang ih hand phone a hmang tu pawl hrangah a hlawm. A ca ngan mi khal ngai duh zet dingin "vancungram cu mai hand phone kha hnong lawk in a nung tu thawn a bang" tiin a sim. Pehbet in khal "nan hnen ih ka sim duh mi cu vancungram cu mai hand phone kha mai nunnak ihsin hnong in, a nung mi thawn a bang. A tui caan cu a hrang ah mi hip tu asi ding. A thinlung duh nakin amah a kilkhawi ding. Unau thinlung in lam a hruai ding.

1. Phone ih sal si lo dingah a hmang tu pawl cu mi thlasuak an si. Ziangruangahtile an nunram an kilkhawi thei ding.

2. Mai innsang, asilole rualpi pawl caan pek dingah mai phone a ret thei tu pawl cu mi thlasuak an si. Nunram ih a nuam bik mi caan cu a tong taktak ding.

3. Hnatuan lai ah mai hand phone a phit thei tu pawl cu mi thlasuak an si. Anmah pawl cu thaten hna an tuan thei ding.

4. Khualtlawn lai ah mai hand phone a phit thei tu pawl cu mi thlasuak an si. Anmah pawl cu siar cawk lo covo pawl asimi casiarnak, it that nak, thlacam nak, ca ngan nak, thu ruah nak, mi khual pawl thawn tonawk nak, kiangkap zoh thei nak, asilole ziang hman buai bai nak um loin zalen zet ih um nak an ngah ding.

5. Mah kha cang thei lo ding tiang in a hip thei tu thuhla pawl, video program pawl, tv game pawl a hnong thei tu pawl cu mi thlasuak an si. Anmah pawl cu sumpai cemnak, caan a lak ih hmang nak, thuruat tuk nak ihsin an luat ding.

6. Online ihsin kuat mi thuthan mi pawl, ca pawl, thuthang pawl kuat mi ngah loin a phit thei tu pawl cu mi thlasuak an si. Anmah pawl cu mi tampi ih hruai nak ih a feh tu siloin anmai bul caan cu anmai program pawl thawn an tawlrel thei ding.

7. Thlacam caan pawl ah mai hand phone pawl a phit thei tu pawl cu mi thlasuak an si. Ziangruangahtile anmah pawl cu hnaihnok nak um loin thla an cam thei ding.

8. Mai niin tuk caan, thinbang caan, thil hngak caan pawl ah mai hand phone zal sung ih a ret thei tu cu mi thlasuah an si. Anmah pawl ziang ah an niing, an thin a bang, cumi dinhmun in ziangtin an suak ding. namah ten um nak in siseh, mi dang thawn um nak in siseh dam ter nak, mai rualpi pawl hnen mai thinlung sung um mi sim mi ngai sak nak, mai piah mi cangvaih nak pakhat khat tuah nak, um nuam nak hawl nak pawl an hmu ding.

9. Mai hand phone kha ziang hman ruat lo, thaten hmang thei lo ruangih hman mi caan pawl, Pathian pek mi ruat nak tha siat dingin tuah nak, rual pi pawl le a hlan ih neih zomi nel awk nak siat ding cutivek pawl hrangah ngaithiam dingah Pathian hnen ngai thiam dil ngam tu pawl cu mi thlasuak an si. Pathian ih zangfah nak le thazang an ngah ding.

10. A nung ngam tu pawl cu mi thlasuak an si. Anmah pawl cu mai hand phone ih uk mi an si lo. Himi thuthang cu Aleteia thuthang ihsin kan don mi a si.

Add new comment

15 + 2 =