Na thiam nak parah uar aw hlah

thihnak pa

Na thiam nak parah uar aw hlah

          Veikhat ah ram pakhat ah zuklem tuah thiam zet mi pakhat a um. A thiam dan cu a ngaingai thawn danglam nak a nei lo. Zaankhat ah zuk lem tuah tupa cu a danglam zet mi mang pakhat a man. A mang ah cun thihnak in tui hnu ni 15 rei ah ka lo ra hruai ding tin fiangte in a sim cia ruangah zuklem tuah tupa cu a thin a phang tuk. Cutikah a nih in a mah thawn bangaw cekci mi zuklem (9) cu sun zaan cawl lo in a tuah. Thihnak in a ra kawh nak ding ni a thlen tikah zuklem tuahtupa cu a mai zuk lem (9) lak ah cun a um ve. Thih nak a rat tikah milem tuah tu mi (10) a hmuh tikah milem tuahtu pa maw? a lem men ti kha a thleidan thei lo ruangah a buai thluh. Milem tuah tupa khal ra suak dingin thinheng tukin a ti nan milem tuah tupa cu cang lo ten a um thei ruangah a ti man a tha hnem lo.

          Reipi thu a ruah hnu ah thihnak in thu pakhat a sim. “Zuklem tuah tupa… hi na zuklem pawl cu a ngaingai thawn dang aw lo lawlaw in na tuah thiam. Asinan famkim lo nak te a um ti cu na rak ruah lo ding” a ti. Zuklem tuah tupa cu a thiamnak le ruah nak in a tuah mipawl par ah soisel in “Famkim lo nak” ti mi tongkam kha a ngai men thei lo. Curuangah a mai zuklem pawl lak in a rapot ih a sut.“Ka famkim lo nak cu khui maw in hmuh hnik aw” ati. Cun thih nak in a rak kai.

          A ngaingai in cu na zuklem pawl cu an zaten famkimlo nak um lo in an tha thluh. Zuklem tuah tupa cu a mai thiamnak par ih a ruah mi hngal nak le uang awk nak ruangah thik nak ih kai a ton nak asi.

          Hi thuan thu in kan ruah nak, Kan thiam nak, Kan fim nak pawl cu a thu ih a famkim zet hman ah hi kan thiam nak pawl par ih uang awk nak le thinheng nak pawl ruangah tlak siat nak kan tong thei ti in thei ter asi. hi thu hi sapyimyodaw sungta thawn pehpar in kan run lang ter mi a si. Casiartu zaten parah kan Pathian in thlasuah phun kim lo pe hram seh.

Add new comment

13 + 2 =