Nauhak pawl an pehthlainak a san theinak ding hrangih tuah tul mi pawl.

Nauhak pawl pehthlainakah a san theinak ding hrangih tuah tul mi pawl.

Minung cu kiangkap hnenveng le pawlkom thawn hlat a ngah lo. Minung kan ti tikah midang thawn komaw lo, pehtlaih aw lo tin khal a ngah lo. Midang pawl thawn pehtlaih awk tikah nunphung pehtlaihnak a san a tul a si. Nunphung pehtlaihnak tha dingah Communication ti kawh mi midang pawl thawn pehtlaih thei nak thilti theinak a tul a si. Comunication thilti theinak thiamnak nak sungah mai sim duh mi midang ih theithiam ol dingah ka lawng si lo in umtu daan thawn sim theinak, midang ih sim mi kha ziangmi a duhsan ti  mi theithiam dingin ngai lawng si lo in midang ih umtu daan khal theithiam theinak, midangih tuar mi khal tuarpi thiam theinak pawl khal a tul a si. Cuitlun ah midang pawl thawn komawk thiam theinak, buainak suak lo dingin daite in tuah thiam theinak pawl khal a tul a si. Cui tlun ah midang pawl ih uktuknak in luatthiam theinak khal a tul a si. Mi thilti theinak ngah dingah kan nauhak pawl khal an nauhak lai ih sin zirh an tul a si.

Hrekkhat nauhak pawl cu an suah veten mi an tih lo. Mithawn an biakawk hlanah mikhual le mithar, theih dah lo mi khal an biak thiam. A hrekkhat nauhak pawl cu an theih cia mi pawl thawn kom dingah an har lo nan an theih dah lo mi thawn pehtlaih aw dingah an harsa theu. An tih nan neta ah cun an nel sal theu. Hi minauhak pawl an hungtum tikah pehtlaih awknak sang dingah kan tuah sak lo a si le an hmailam hrangah pehtlaihnak ah tha a mal  mi ah an cang thei a si. Pehtlaihnak lam ih tha a caktu pawl cu hnatuannak ah an tluang vekin innsang lamkhal ah an tluangih thinlung lam khal ah hah damnakan hmu a si.

Pethlaihnakah tha cak dingah zir a tul ih minung pawl thawn nelaw dingah an nauhak lai in puainak ah hruai ih nunphung le Pawlkom lakah hruai an tul. Dawr tumpi ah hruai in thli lei khal ah hruai phah an tul. Hmunpi ih um pawl hrangah cun Ramsa zuatnak le pangpar hmuan lam khal a cancan ah hruai an tul. Innsungih umtamtu tu nauhak pawl cu mi thawn pehtlaihnak ah an ral a hrut theu.

Midang pawl thawn biakawk tikah mithmai pan ding ah le mithmai sia thawn um lo ding khalah zirh an tul a si.

Mi nauhak pawl khal mai inn ah ko in midang pawl thawn kom aw thiam in le lekthiam ding khal ah zirh an tul. Mileng an rat khal ah mileng pawl tohnak hmuh thiam ding khal ah zirh an tul a si. An lehpi pawl thawn thinlung hmuhawk  lonak tla a um thei. Cumi cu tuah tlang thiamnak, reltlang thiamnak zirnak minung ih daan a si. Midang parah thu neihtuk nak le mineh tuknak cu lehpi pawl in an duh lo thu khal an thei thei ding. An mai leh duh vek in an leh thei lo tikah thinheng in an um tikah lehnak cu a remcan thei lo thu khal zirh an tul a si.

Midang pawl thawn remcang zet ih lek thiam dingah mah lam khal in an duhzul a tul thu khal zirh an tul a si.

Midang pawl thawn pehtlainak ah mahlemah upat thaim aw dingin nulepa dinhmu in nauhak hnenih duhdawtnak kan langter tikah tamdeuh ih langter a tul. Mucu tlawng kaiternak khal in pehtlaihnak a neiter a si. Kiangkap thawn pehtlaihawk daan an thiam cun a dang nunphung lam khal ah a mahte a zoh tonthaim ding. Midang hnenah thinheng khal a theih ih mithawi ih thinhengnak tuah lo dingah le mai lek duh mi khal lek a theih. A sinan midang pawl thawn rualrem in tuah a tul thu khal sim an tul. Beidongin um khal a thei a sinan au in thliri hlon le den a ngah lo thu sim fiang an tul a si.

Nauhak an riah a siat tikah le an mah hnon an tuar ti an ruahawk tikah bawmtahrant in tha pek nak khal tuah a tul a si. Khawvel pi cu ziangtinkim ah simle rel tul lo ih a sinpinak hmun a si lo thu khal sim fiang an tul a si.Midang pawl in kan nauhak pawl hnen ah thinnau ding khal in an rak tuah thei. Thinnaa ding khal in an tuah thei. Cumi pawl cu lanthei dingin nauhak pawl ih thinlung sungah sim le ruah an tul a si. Nauhak pawl nehrawh an tuarnak, thleidan an tuar nak, bum an tuarnak le thunei tu hrekkhat ih neh luartuk nak pawl an tong thei a si. Hi harsatnak pawl neh thei dingah pehtlaih a har mi pawl hrial dingah pehthlainakah tha tam deuh dingah a tul a si. Hi mi hrangah thinlung humhimnak ngah dingah nulepa pawl in nauhak pawl hnenah duhdawtnak tampi lang ter a tul a si.

Dr Myint Lwin ih ngan mi thinlunglam thu thawn pehpar ih kan run tarlang mi a si.