Nauthlaknak thu cu Bishop pawl dinhmun in fumfe zet ih dinpi dingah nauthlaknak dodalnak aupi ih a tel tu nunau pawl in zaangfah dil November 15, 2021

nauthlaknak_thu_cu_bishop_dinhmun_in_fumfe_zet_ih_din_dingah_nauthlaknak_dodalnak_aupi_ih_a_tel_tu_pawl_in_zaangfah_dil

Nauthlaknak thu cu Bishop pawl dinhmun in fumfe zet ih dinpi dingah nauthlaknak dodalnak aupi ih a tel tu nunau pawl in zaangfah dil

November 15, 2021

         USA, Baltimore ah tlawngkai  nikhat ni ah nauthlaknak dodalnak aupinak cu mipa pawl in an rak hoha. Cui puai ah Gabriel Vance le a innsang, a rualpi zaten 20 pawl cu Bolumbus, Ohio ihsin nazi pasarih rei mi cui aupi ah thatho zet in an rak tel. Nauthlaknak cu tuisan nunphung pawlkom ih ton rero mi a tumbik mi nunphung thuthla pakhat a si. Ziangah tile America ram pakhat lawngah nitin milai nunnak 2300 nauthlaknak a um ih nitin leilungtlun ah milai nunnak 200,000 thah an tuar tiah kum 26 lawng a si lai mi Gabriel Vance in a rak sim. A mah cu ‘pro-life’ tiih kawh mi ‘milai nunnak kilhimnak Catholic Pawlkom’ ih dinpitu khal a si. A nupi cu Anna a si.

         Catholic Pawlpi dinhmun in hi thuhla thawn pehpar in thuk zet in dodal ih tuah a tul. Catholic Pawlpi ti tikah Bishop pawl, Puithiam pawl, Deacon pawl le kohhran mipi pawl dinhmun in hi thil thuhla ah kaa ciip tahratin um men a ngah lo tiah a sim. Hi aupinak ah nunau pawl tel lo in mipa lawnglawng 200 hrawng an rak tel. Ziangah tile America ram ih Catholic Bishop pawl ih thurelkhawmnak thawn kaih ih tuah mi a si. Bishop pawl in thurelkhawmnak cu tui zarh ah an tuah ding. Hi aupinak cu nau a thlak sak tu siizung hmai ihsin thok in Rosary cam in an theh ding. Netabik nak ah a tel tu pawl in an ruahnak pawl an sim ding.

         Tu vek ih duhphorhnak cu dodal ding a si lo. Milai nunak humhim tu Catholic mipa pawl sinak langter ding lawng a si tiin Larry Cirignano in a simfiang. Cu vekin Bishop pawl cu Catholic Pawlpi ih hotu pawl dinhmun in Pawlpi ih Canon upadi 915 langter dingah a si. Cui upadi in ‘mi pakhat cu a sualnak le a mawhnak sim na cingin cohlan tum lo in a lungruh a si le sualpi tuahtu a si. Curuangah Bawipai Thi le Sa san a ngah lo’ tiah a um. American Catholic Bishop pawl ih thurelkhawmnak ah rel ding mi pawl cu ‘Bawipai Thi le Sa sannak; thawn pehpar ih simnak khal a tel. Ziangah tile tui American President le White House ih sim rel theinak a nei tu pawl hnen Bawipai Thi le Sa santheinak peknak, pek lo nak cuvek thuhla botcat dingah a si.

         An cazin sungah cun zo a si ti langter a si lo. Tu vek ih duhphorhnak cu mai zumnak tlaitluang ten um ter men, mai upat tlak zet mi biaknak lam tuanvo pawl silhkhah thei ding lawng a si. Pawlpi ih Canon upadi 915 vek a si le ziangvek dinhmun khal siseh la ramkhel lam tuanvo neitu pawl a sawhkhih. Ziangah tile an mah in tu le tu an rak sim. An mah cu mi lungruh pawl an si. Remawk a tum lo mi pawl an si. Hi mi cu mi theihngan ih sualnak tumpi langternak a si. An tuah bet rero thotho. Cu vekin an dinpi mi thawn a kalh aw mi Bawipai Thi le Sa khal catbang lo in an sang. Hi vek ih a can rero hi cohlan theih a si lo. Hi ti simnak cu an mah upat ih sim mi a si.

         Cu vekin midang pawl khal a dik lo mi tidaan hmuh lo dingah khal a si. Curuangah Pawlpi ih Canon upadi 915 humhim a tul; kilhim a tul. Nauthlak a lungkimpi tu ramkhel lam hnatuan  tu pawl Bawipai Thi le Sa sannak khamnak cu Biaknak lam kha ramkhel lam hrangah an hmang a titu Bishop pawl ih ruahdaan an cohlang lo. Tui sim mi dinhmun cu ramkhel thuhla a si lo. Nuntuzia thuhla a si. Ziangah tile minung rori an thah rero ruangah a si. Curuangah nauthlaknak kham dingah nemhnget mi si dingin forhfial ih tuah a tul. Nuntu ziaza cu tuah tul mi a si tiin Jim Havens in a rak sim fiang.

         Hi thuthang cu CNA thuthang ih kan ngah mi a si.

https://bit.ly/3cJ3Byt

Add new comment

2 + 18 =