Siangpahrang kuthnuaipa le Siangpahrang Fapa ih thuanthu

Siangpahrang kuthnuaipa le Siangpahrang Fapa ih thuanthu

          Siangpahrang kuthnuaipa le Siangpahrang fapa cu nikhat ah khua le ram cuan phah in tikua pakhat an thleng ih hnipuan hmunkhat ih ret tlang mi an va hmu. Cui hnipuan parah a lenghruk angki pakhat le lunggyi siate pahnih an hmu. Siangpahrang fapa in a kuthnuaipa hnenah  ‘zoh aw….hi hnipuan cu mifarah pa pakhat in hnipuan pen mi a si hi! A hnipuan cu hi tawk ih a ret hi ka ruahnak ah a kholhaw a si ding’ tiah a ti.

         A kuthnuaipa cu a hni. Siangpahrang fapa in a kuthnuaipa hnenah  “a kholhaw rero tu mifarah pai” hnipuan pawl thup in hrambur pakhat in kan bih le a tha lo maw? A hung kai ih a hnipuan pawl a hloh a hmuh le hnisuak um tak ding’ tiah a ti. A kuthnuaipa hnenah  cun Siangpahrang fapa hnenah ‘mi pakhat a riahsiat lai zohin lungawi rero cu mi tha a si lo. Na lungawi duh a si le hi tiin tuah aw! A kuthnuaipa hnenah  in sui tangka fang (2) cu Siangpahrang a hmuh. Siangpahrang fapa in amai hnenah cun thei lo vekin a zoh.

         Siangpahrang kuthnuaipa in “hi sui tangka fang (2) hi mifarah pai’ hnipuan pen sungih zawikem (2) ah pakhat veve in va ret aw” tiah a ti. Siangpahrang fapa khal cun a va ret. Cui hnu ah an pahnih ten thingkung phen in an bih rero. Rei lo te ah mifarah pa te cu tidai sung ihsin a hung kai. Hmaisabik ah hni a thleng. Cui hnu ah kawr a vun hruk. Cule a kawr zawite ah pakhat khat a um vekin a ruat ih a vun purh. Cu tikah a zaal sungah sui a hmu ih a lungawi tuk. A zum lo vekvek in cui sui cu a hnulih a keu. Mifarah pa te cu a lungawi tuk. Cui hnu ah a tlun phah ah khatlam a zawite a rit deuh ti a vun thei. A kut in a vun purh salih Sui pakhat a hmu sal. Cu tikah mifarah pa te cu leilung ah a khuk a bil ih a kutza kom in Van a zoh ih ‘I bawmtu Bawipa ka inn ih a dam lo mi ka nu in kilhim sak. Ei in ding a um lo ruangah thacem in a um rero mi ka naunu khal in kilkhawi sak. Nan hnenah ka lungawi tuk” a tiih veithum tiang upatnak a pek ih a tlung. Cui thilcang zoh in Siangpahrang fapa cu a tap. Siangpahrang kuthnuaipa cu a hni. Siangpahrang fapa in a pai kuthnuaipa hnenah ‘tui ni ah hngilh a theih lo mi thil pakhat I zirh a si’ tiah a sim. A kuthnuaipa in “minung pawl harsatnak pek theh ih lungawi hnak in thatnak pek hi lungawinak cu thu dik a si sawn.” Na hrangah ciing ringring aw tiah a sim. Hi mi thuanthu kan siarnak in thatnak tuahnak in mi va lung ter tu si kan zuam cio pei.

Credit_ Ko Saw Naing.