Islam biaknak in Catholic biaknak ih a rak thawn tu Turkish nu in a zumnak langter. (August 21, 2024)

Islam biaknak in Catholic biaknak ih a rak thawn tu Turkish nu in a zumnak langter. (August 21, 2024)

Kan dunglam kum 61 laiah Turkey Musalem sungkua in a rak suak tu Belkiz cu fanu upabik a si ih a nau ah mipa pahnih an um. A nauhak laiah Mosque ah an feh ih Arabic ttongin Koran an siar nan a siar mi ka rak thei thiam lo tiah a sim. a nauhak lai ah materiallist philosophy a rak siar hnuah kum 15 a kim ah biaknak neilo dinhmunah a rak cang.

Belkiz cu university in buaih pakhat a ngah hnuah a mah cu ca lamah zirhtu saya pakhat ah a cangih ca uk pawl kha pakhat hnu pakhat a siar tiah CNA ih Arab thuthang hnatuan pi ACI Mena in a sim.

Kum 28 a kim ah Turan Dursun ih "This is Religion" ti mi cauk a rak siar. Baiknak neilo ih a cang mi Shia Muslim le hlanlai mifim hlun a su mi dursun cu Islam le biaknak thu pawl a rak ngan ruangah that a rak tuar. A cauk cu biaknak lam cauk pawl an si ih a thupi bikin Koran bible kha a rak soisel.

Belkiz cu a  mai siar mi pawl a zumlo ruangah Turkish Koran bible a lei ih a rak siar. Izmir Book Fair ah Christian Bible a rak lei ih Luka bible hrambun in Bawi Jesuh ih nunram thu hla kha Protestant Church ah Video zoh dingah an rak sawm.

Video an zoh phah ah Pathian ih thu a rak ruat. Video a zoh lai ah Pathian thu kha a rak ruat ih a lung a rak thleng. A thinlung a rak tongtu Bible catlang cu siahkhawngtu pa le Pharisee tei ih biakinn sungih an thlacam nak hi a si.

Hi mi ah a mai sualnak a rak hmu. Pharisee vekin a mah cu amah le amah a rin awk tuk ruangah Pathian hmaiah ningzahnak hmaisabik ka rak tong tiah a sim. Na ral pawl kha duhdawt aw ti mi catlang cu a mah lam a hmuhtu ah arak cang. Video ih a cemnakah Belkiz cu a thinlung tak in  thla a rak cam. Bawipa ka nun ram ah ra aw. Ka nunnak cu na kutsungah rak ret aw. Na duhnak vekin i run tuah aw tiah thla a rak cam.

Cuihnu ah a mah cu Zarhpi sun tinten Protestant biakinn ah a rak khawm ih Bible ca punghman siar phah in thla a rak cam. Amah cu cutawk ah baptism a rak la ih lungawi zet in a rak um. Cuihnu 2005 kum zarhpi ni nikhat ah  Chistian biakinn pakhat ah a rak khawm ih sangle sabitti a eitu mino pakhat cu sang a lak ih a ka sungah sang ih a leng lam kha a khawk ih a kut in a rak nuai. Belkiz cu hi a hmuh tikah  bawipai taksa hmuhsuam vek ih  a hmuh tikah a thin a rak nuam lo.

Cu mi thu cu Protestant a rualpi pakhat thawn an tonawk tikah an sim aw ih hi mi cu Bawipai taksa a si lo kan ni cu mansalnak men ah kan tuah mi a si, Catholic biaknak pawl lawng in Bawipai thi le sa ih an zum mi a si tiah a rak ti. Cuihnuah a mah cu Catholic Biakinn a rak hawl ih cui si thok in Catholic zumtu ah ka cang tiah a rak sim.

Cuihnuah Catechism (Pathian thu) a rak zir hnu April 25, 2011 ah Catholic biaknak ah lut dingih  a thinlung a rak botcat ih a mai suahnak cazin ah Musalem in Catholic biaknak ah a tleng.

Christian pakhat dinhmun in hremnak tuar dingah na tih maw tin an suh tikah Belkiz in hnihphah in Jesuh phatsan tikah a Tirhtlah Peter in veithum rori a rak phatsan. A rak tih zet a sinan Peter cu thiangthlarau thawn a khah tikah Jerusalem khuapi in Italy ah thuthangtha a sim tikah thinglamtah ih an tar zikte ah "aw Bawipa kei cu nangmah vekih thih dingah ka tlak lo a ti ih thinglamtah linglet in thah a rak tuar.

Belkiz in a mai zumnak lam tluanah a ngah mi pawl cu Bible ca sungah a kim theh " duhdawtnak, lungawinak, tangdornak, supawknak, zawnruahnak, thatnak, rinumnak, thinnemnak le supnak pawl an si tiah a rak sim. ( Galati 5:P22-23)

Pathian in kan zaten thil mangkung pakhat in pek. Kan tuah ding mi cu kan cohlang ding mi a si tiah Belkiz in a sim. Kei in Pathian ka rak hril lo a mah in i hril sawn. Christian biaknak ih ka uar bik mi cu Bawipa Jesuh ih a cem thei lo mi duhdawtnak a si, ka duhbik mi rualpi le a mawi bik mi ka duh mi ka tong ngah zo tiah a rak sim. hi mi thu cu CNA thuthang ih an ngan mi kan run ngan mi a si.