Mithianghlim Helena thuanthu tawi. Apuai ni (August 18)

Mithianghlim Helena thuanthu tawi. Apuai ni (August 18)

Catholic Khristian tinkim ih lungawi thu kan sim dingmi Helena tei nufa an si. Helen tiin tla an ko.

          St.Helen pali an um nan a hmin thangbik le Bawi Khrih a thih hnu kum 300 luan ih a um mi Helen thu kan run lo sim ding. A puai ni cu August 18 a si. Helen ih innsang cu menmen hnatuan ih um mi an si. Nikhat ah Helen cu thing fom phah in a tlun nak lam ah Constantius Chlorus tiih kawhmi Siangpahrang thawn an tong aw ih Siangpahrang in Helen cu a duh ih kut sih nak an nei. Constantius cu Rome siangpahrang a si.

          Kuh sihnak an neih hnu ah Constantine timi fapa an nei. Asinan Siangpahrang in ram thuhla puh mawh in thuneih nak a neih tam duh ruangah milian nunau pakhat kut a sih sal ih Helen thawn an then aw. Helen in a fapa a duh zet vekin a fapa khalin a nu a duh zet ih a nu a ngaihsak thiam tu fapa fel a si. Asinan kum 306 hrawng ah Siangpahrang a thi ih a fapa pawl cu thuneihnak an long aw. Culai san cu nupi tampi neih san a siih fapa khal an nei tam. Cui caan ah Rome cu thenthum an then ih an uk nan Siangpahrang an cang duh ih thuneihnak an long aw.

          Nikhat cu constantine in mang a man. Rome kha do dingah asinan do tikah thinglamta kengin raldo dingah mang an man. A that lo nak cu a nih in ralkap thawng hra fang lawng a si. Khatlam pawl cu ralkap ting tilai an nei. Asinan a neih mi ralkap malte tahwn thinglamta keng in an do ih an neh. Cutiin Constantine cu Rome Siangpahrang a cang. A nu Helen khal uktu Siangpahrang Nu sinak an pe.

          Curuangah Khristian pawl san a dotdot kum 300 hrawng hmuhsuam an tuar ih Constantine Siangpahrang a si tikah Khristian pawl zalennak a pe ih, amah rori khal Khristian a cang. Khristian zumnak cu rampi biaknak tiin a tuah. (Ram mi timi cu Khristian pawl ti buai a ngah nawn lo. Hnaihnok a ngah lo.) Constantine ruangah silosehla tuitiang kanmah pawl hmuhsuam kan tuar ding.

          Constantine in Khristian zumnak a thawn tikah a nu Helen khal Catholic Khristian a si. Constantine cu Rome Siangpahrang lakah a pakhat nak Khristian a si. A nu Helen khal in a fa pa siangpahrang a siih paisa tampi a hmang thei. Curuangah a fapa ih a pek mi laksawng pawl cu mi farah pawl peknak, mi dam lo pawl siivai peknak, lamzin kap ih kutdawh pawl a hlu ringring.

          Helen a fa rori in Rome le Holy land lam cu Khristian asimi Helen in biakinn pawl a sak. Cui biakinn pawl sungah Khrih a thih lai ih thlan umnak khal upat dingah cui hmun ah biakinn a sak. Taktak ah Helen cu Turkry ah a um. Asinan Holy land cu khawmzawh in tuletu a feh. Turkey le Holy Land khal Lebanon, Iraq pawl kaan in thlen a theih ruangah khual tlawn nak a nai. Cuihnu Jerusalem ah reipi a um.

          Culai ah dungthluntu sanlai ah Khristian pawl an rak hmuhsuam vekin raldo nak tivek a um ih an sung ih Khristian ih thinglamta cu thup in an rak phom. Kum 324 a thlengih Constantine in Khrist ih a hman mi thinglamta hawl duhnak nasa zet in a nei tikah a nu cu kum 80 a si zo. Curuangah Helen cu cui phum mi thinglamta cu pawlkom pakhat ko in an lai ih netabik ah an hmu. Asinan thinglamta cu pathuma  si. Thinglamta a hman mi cu cumi sungah pakhat a si. Curuangah Helen in phar nat nei pakhat a ko ih, a kut kha thinglamta a dai te ih a pakht ank thinglam ta a tham ih ziang hman a cang lo. A pahnihnak thinglamta a tham sal ih zianghman a cang cuang lo. Asinan netabik thinglamta cu phar nat nei mi in a tham ih a nat nak pawl a hlo ih Helen in cui Khrih ih thinglamtam cu a hmu ngah.

          Helen cu biakinn 80 luan a sak tu a si. Cui caan ah Constantine in Khrih a thoh sal nak hmun ah thohsal nak sunloihnak in biakinn a sak nan Helen cu kum 328 kum ah a thi ih cui biakinn a hmu ngah lo. Cui biakinn cu kum 335 lawng ah an theh.

          Helen in a nunram ah mi farah pawl bomnak, biakinn sak phahin a nunnak a hlan. Helencu Mithianghlim asinan afapa cu Kohhran in mithianghlim tiin an nemhnget lo. Helen ih zuk thinglamta a keng mi langter nak cu Khrih ih Thinglamta a ti duh san a si. Amah cu innsang buainak nei pawl, a then aw pawl, kohhran dang ih thawn pawl le hlanlai zingzoi tu pawl ih mifim tiin upat mi Mithianghlim a si.