A caan a kim le a cem leh ding

 A caan a kim le a cem leh ding

          Thinlung kha hahdam ten re aw. Thaw kha khop ten hop aw. Thinbang rero ter hlah, thaw thawt khal har ter hlah.

          Hrekkhat thu hla cu mai ruah dan vekih har ciamco khal a si lo. A har ding ti ruah mi thil pawl khal a caan a kim ah cun a cem mai. Tuah thok hlan in ruah cia ih thinhar in ruat har rero hlah. Thin bang ter hlah.

          Tuah lo theih lo ih tuah tul mi thil pawl hrangah ruah cia ih thinhar rero aiin, thin bang rero aiin, thaw thawt har ding aiin tuah ding thotho cu thinlung kha hahdam ten re in, thaw kha khop ten hop in a tha bik si dingin ziangtin ka tuah ding ti kha ruat aw.

          Leitlun ah thazaang a cak bik mi thil cu thinlung a si ih tha a nei bik mi ramsa cu minung a si. Thazaang a tum bik mi thinlung kha hmang thiam in mah le mah zum awknak thawn harsat nak pawl kha ngamhuai zet in pahtlang aw. Ziang tluk thil har a si khal le a caan a kim cun a cem leh ding.