Coffee mix hrek khat ih an rawi mi thil pawl.

coffee_mix_innak_in_harhdamnak_a_siatsuah_

 Coffee mix hrek khat ih an rawi mi thil pawl.

            Coffee-mix ah thil phunthum atel.

 (1) Coffee phut

 (2) Cinii

 (3) Coffee-mix pawl an si.

            Coffee phut pawl cu athok ah cun coffee ci ihsin an tuah ih , a tii ih can ter thei cih mi, ol ten tuah thei mi coffee phut kha an hmang. Nehhnulam ah cun man a ol deuh mi coffe phut a lem (a ttuh) pawl an hmang thlang. A cemzat kha a let 100 a let200 tiang a hlawk tin Thaiwan ih ei le in lam ih fimthiam pawl in an sim asi. Thaiwan ah coffee phut lem kha be hring phut coffee rim tin an ko mi chemical coffee a phut kha an rawi mi asi.

             Cu mikha Cinii, coffee-mix  pawl rawi in an tuah tik ah coffee vek rori in then a theih nawn lo. Mihrek cu behring phut rawi lo in meihol vut rawi in an tuah. Coffee rim tin kawh mi chemical  coffe pawl kha thin le kaal kha a siatsuah thei asi tin mi siilam thiamtu pawl in an ti asi. Thaiwan FDA ih coffee phut lem pawl kha behring phut thawn an tuah ruangah proteindat cu mal te angah thei.  Meihol cu ei inn ah hman can aum. Thaiwan ah meihol thawn hluum mi aum.

             American ah Chakolmokha ti ih chocolate phut, mehol phut, cinii, coffee-mix pawl tel mi thlum mi tii an zuar. Mehol phut cu ungtii hawng ihsin an ngah mi meihol phut tin an lang ter. Kum 2018, Apirl thla ah Vietnam ram pawl ihsin an ngah mi a dum mi aphut pawl hmang in coffee ci pawl ah colour an hnih kha hmuhsuah asi. Datkhe hlun ihsin an ngah mi aphut 35kg an hmu ih hi aphut kha a ol mi coffee ci pawl an lei ih colour mawi ding in sii an hnih ti kha a nei tu in a rak sim.

             Datkhe ihsin an ngahmi magnesiumoxide ti mi turdat a tel ruangah hih coffee phut caan rei inn tu pawl cu an thluk lam pawl a siat ter thei. Hivek tur a tel mi  coffee ci 10 tanluan kha an ret  ih 3 tan luan cu dawr pawl ah an zuar asi.  Hih thuthang in coffee a inn tu pawl kha  a lauter zet. Taiwan kha Vietnam coffee-mix pawl kha phun15 zuar ding a on ruangah hivek tur atel mi coffee, coffee phut pawl a lut lo tin zohman in aamahkhan a thei lo. Cini pawl cu a zup ol mi a phut mi cinii kha an hmang. Coffee-mix kha kum1961 ah American Nestle company in an tuah thok asi.

            Cawihnawi thawn  tuah lo mi hnawi atel. Ziangpawl thawn an tuah tile cu Doctor Khin Ni Win ih nganmi casung ah hmuh atheih. Coffee in tikih hman mi cawhnawi thawn tuah lo mi a vut pawl cu ziangpawl atel?

 (1) Vainim ihsin a rami cinii

(2) Cawhnawi rawi vek ih aum mi pawl cu behrum ihsin tuah mi ansi ruangah asi

(3) Sodium culminate cawihnawi ih atel mi protein asi. Anih cu datthilri pawl kuai lo dingih an rawi mi chemical thilri phunkhat asi

(4) Mon glyceride le dilacerate atel mi thil pawl thawn an rawi tikah thaten an cawk ih hmunkhat siding in an rawi mi rhilri coffee le a phut kha hmunkhat siding in asi.

(5) Phosphateacid an rawi mi pawl hmunkhat asi tertu chemical thilri kan ruat sal asi le it nak in kan tho tikah kan inn ding mi coffee kha khuatsung ah chemical sii phunphun kha rawi in na inn duh lai maw timi thusuh nak a suak. A hrekkhat a phut pawl cu a thawt nak a phunphun suak ding in an rawi bet dingmi chemical pawl kha a tel bet. Hih coffee-mix pawl cu a phut in arat vek in a tii khal in an zuar theu.  A phut kha khaal lo dingin chemical sii phunkhat a tel bet.

            Sodium Aluminosilicate asi. Kaang ter thei mi dat phunkhat asi. Doctor Daw Khin Ni Win ca ngan misung in langter mi asi.  Coffee-mix hi harhdam nak thawn a kaih awk maw kaih awk lo. Coffee-mix ah a thalo mi thau reipi ret theih mi thau pawl an tel ruangah harhdamnak hrang atha lo. Coffee-mix tuah nak formula pawl kha kum a rei vek in thlengawk nak pawl aum ih nettabik ah arong hlo thei mi cinii thawn rei a khaan mi sii pawl a tel mi thilri pakhat ah a cang.       Vainim ih a rami cinii,  vainim a tamsawn cu vainim sinak si loin a thlengaw mi asi. Cinii in minung pawl kha a thau lan ter thei. Kan sungril pawl ah thau pawl khawm in thithlum, zunthlum, lungnat, cancer pawl asuah ter thei. A hrek enzyme pawl kha asiatsuah ih taksa hrangah a tul mi dat a zut ih a malter. Behrum ihsin ngah mi siti kha reikhaan ding ih tuah mi siti asi.

            Taksa ruangpi hrangah that lo nak pektu si ti asi. Thisung ih thau  pawl kha tha a pek ih lungnat pawl asuah ter thei asi. A dang chemical thilri phunkhat asi mi phosaphade  acid in cozah dawm le ceiawk nak thilri pawl khalah an hmang. Coffee-mix ah tha um ter thei nak a tel lo bet hleiah harhdam nak hrang khalah that lo nak a suah ter ruangah cawihnawi, ungtii, khuizuu cu pawl kha coffee-mix pawl hnakin hi pawl in dingah ruahnak an pek a si.

             Coffee phut ngai tawn tuahmi coffee-mix  pawl khal um. A Man ol mi pawl cu cinii hman man ol mi zusii man ol mi coffee-mix pawl an hmang asi. A thuk  zate in chemical thilri pawl an si. Tea-mix khal cuvek thotho asi. Laphet hnah ro mi ihsin tuah mi a um vek in chemical thilri pawl thawn tuah mi pawl khal aum asi. Hi mi cu harhdamnak thuthanwn pehpar in kan nunah taksa hahdam le hrisel ih kan um thei nak dingah kan run tarlang mi a si.

Credit#

Add new comment

1 + 3 =